Ылбат- биэрбэт, кэлбэт- барбат кэм кэрдиитэ буолан быыһык күн бороҥуйа тиһилик кэм тиксигэнэ уһаабыт күһүҥҥү күн-дьыл санныбытын баттаабатын, санаабытын санньыппатын. Хотой Айыы хоһуун, хотоойу майгыта айылҕа дьиктитин, күн- дьыл туругун эгэлгэтин эрэй курдук көрдөрбөтүн. Сырдыкка ыраланыы, үрдүккэ талаһыы бороҥуй кэм боруоктарын, саарбах кэм саараҥнарын таһаҕас оҥостубатын, түмсүүлээх буолуу тирэхпитин күүһүртүн, бииргэ буолуу бигэ турукпутун чиҥэттин.
Ылбат- биэрбэт, кэлбэт- барбат кэм кэрдиитэ буолан быыһык күн бороҥуйа тиһилик кэм тиксигэнэ уһаабыт күһүҥҥү күн-дьыл санныбытын баттаабатын, санаабытын санньыппатын. Хотой Айыы хоһуун, хотоойу майгыта айылҕа дьиктитин, күн- дьыл туругун эгэлгэтин эрэй курдук көрдөрбөтүн. Сырдыкка ыраланыы, үрдүккэ талаһыы бороҥуй кэм боруоктарын, саарбах кэм саараҥнарын таһаҕас оҥостубатын, түмсүүлээх буолуу тирэхпитин күүһүртүн, бииргэ буолуу бигэ турукпутун чиҥэттин.
Көмүс күһүн кэнниттэн кырыа кыһыны аҕалар кэм-дьыл хардыыта, сылааны билбэт сырыылаах кэм кэрдии кээмэйэ улук түүнү уларытар, улаҕа диэки анньар, кэтэҕириин диэки сыҕарытар. Бэттэх көрөн мичик аллайан киирэн кэлбит саҥа күн сүрэҕи үөрдэр, сүргэни көтөҕөр. Бүгүҥҥү бүтэй маҥан күммүт муммуту-тэммити муҥкук санааттан, кэтэмэҕэйдээбити, саарбахтаабыты кэрбиир санааттан босхолоотун. Күндүттэн күндү төрөөбүт тылбыт, төлкөлөөх төрүт үгэспит сөллүбэт санаалаатын, ууну-уоту ааһар уолуйбат майгылаатын. Угаайыга, саарбахха киирэн биэрбэттии бэйэҕэ эрэллээх, сүбэ-соргу буолар доҕоттордоох, көмө-тирэх буолар аймахтардаах, аламаҕай атастардаах буолуохха.
Эрэдээксийэ хаартыската.
0
0
0
0
0
0
