Сылы аһатар биир күн диэммитин мүлчү туппакка туораахтары, сиэмэлэри буору- хаары булларар кэммит субу тиийэн кэлиэ турдаҕа. Кырыа кыһын тыйыс тыынын солбуйуохтаах сандал саас сылыйан иһэн тымныйар, тымныйан иһэн сылыйар, тыалыран иһэн налыйар, чуумпуран иһэн сиксийэр кэмин кубулҕатыгар албыннатан сыбыдахтана охсубакка ичигэстик таҥныахха, сылаас сылдьыахха. Сэрэммит- сэрбэммит сэниэлээх, көрүммүт- дьаһаммыт күүстээх- уохтаах буолан дьаҥтан дьаһахтан дьалты буолуоҕа. Аар тайҕа чуҥкунуур чуумпутун, иһиллиир иһийиитин харабыла, эрэллээх эркинэ тэҥкэ тиит, алаастар сыһыылар хаймыылара ханыылаһа турар аар хатыҥнар, үрэхтэр,өрүстэр көтүллүбэт сииктэрэ иилистиһэ үүммүт иирэ талахтар абыраллаах хаар саҕынньахтарыгар хамсаабаттыы хам баттатан туран сааскыны баҕардахтара, сайыҥҥыны түһээтэхтэрэ...
Хаартыска эрэдээксийэ түһэриитэ.
-
0
-
0
-
0
-
0
-
0
-
0
