Бүгүн өрөспүүбүлүкэбитигэр 15 тыһыынчаттан тахса оҕо аан маҥнай оскуолаҕа барар. Оскуола сыллара, университекка үөрэнии, доҕоттор уонна педагогтар – биһиги саамай үчүгэй кэммит уонна ахтыыбыт маны барытын кытта сибээстээх.
Дойду Бэрэсидьиэнэ Владимир Путин Педагог уонна уhуйааччы сылынан биллэрбит 2023 сылыгар Билии күнэ ордук суолталаах. Оттон Саха Өрөспүүбүлүкэтигэр Ил Дархан Айсен Николаев уурааҕынан 2023 сыл Үлэ сылынан биллэриллибитэ.
Үлэлиир сатабыл, бэйэтин үлэтигэр, дьон үлэтигэр убаастабыллаах сыһыан курдук улахан наадалаах хаачыстыбалары эдэр гражданнарбытыгар кыра саастарыттан, оскуола саҕаттан үлэ уонна үлэҕэ иитии эрэ иҥэрэр.
Төрөппүттэртэн, педагогтартан манна элбэх тутулуктаах. Оҕо төрөппүттэрин таптыыр, аҕа көлүөнэни убаастыыр, төрөөбүт дойдутун көмүскүүр киhи уонна гражданин быһыытынан сайдан тахсыыта дьиэ кэргэҥҥэ, оскуолаҕа иитииттэн тутулуктаах.
Күндү үөрэнээччилэр уонна устудьуоннар! Үөрэниҥ, үүнүҥ-сайдыҥ, бэйэҕитигэр элбэх саҥаны арыйыҥ, үтүөҕэ дьулуһуҥ! Саҕалаабыккыт барыта кыалыннын, табылыннын, сатаннын!
Алексей ЕРЕМЕЕВ,
Саха Өрөспүүбүлүкэтин Ил Түмэнин Бэрэссэдээтэлэ
-
0
-
0
-
0
-
0
-
0
-
0
