Ил Дархан эҕэрдэ тылыгар бу күн улахан историческай суолталааҕын этэн туран, үгэс курдук, өрөспүүбүлүкэҕэ киэҥник биллэр үлэлээх-хамнастаах дьону бэлиэтииллэрин эттэ. – Эһиги хас биирдиигит 35 сыл анараа өттүгэр Арассыыйа Федерациятын састаабар киирбит аныгы Саха сирин сайдыытыгар кылааты киллэрбит дьон буолаҕыт, – диэтэ.
Эҕэрдэ тылыгар улахан суолтаны Саха сирин бастакы бэрэсидьиэнэ Михаил Ефимович Николаевка уурда: – Михаил Ефимович үлэтэ-хамнаһа олох бары эйгэтигэр уларытыылары кытта сибээстээх: судаарыстыбаннай тутул олохтонуутугар, норуоттар икки ардыларыгар, эрэгийиэн иһигэр бииргэ үлэлэһиигэ, бырамыысаланнаска уонна тыа хаһаайыстыбатыгар, үөрэхтээһиҥҥэ уонна билимҥэ, култуурунай уонна духуобунай олоххо. Кини маннык уустук кэмҥэ иилээбит-саҕалаабыт үлэтэ Саха сирин сайдыы саҥа таһымыгар таһаарбыта, биһиги курдук тыйыс усулуобуйалаах эрэгийиэннэргэ холобур буолбута. Ол кэмҥэ ылыммыт быһаарыылара сөптөөх буолалларын кэм бэйэтэ көрдөрдө.
Ил Дархан илиититтэн 25 киһи судаарыстыбаннай наҕарааданы тутта. Өрөспүүбүлүкэ үрдүк наҕараадатын – “Хотугу сулус” уордьаны – Арассыыйа уонна Саха сирин үтүөлээх энэргиэтигэ, үлэ бэтэрээнэ Николай Парников ылла.
Андрей Сорокин хаартыскаҕа түһэриитэ.
-
1
-
0
-
0
-
0
-
0
-
0
