— Ытыктабыллаах Айсен Сергеевич! Үбүлүөйдээх төрөөбүт күҥҥүнэн итиитик-истиҥник эҕэрдэлиибин!
Тапталлаах Өрөспүүбүлүкэбит инники сайдыытын түстүүр, тумус туттар салайааччыбыт бу бэлиэ күҥҥүн чугас дьонуҥ ортотугар олус өрө көтөҕүллүүлээхтик ылаҥҥын, биһиги эҕэрдэлэрбититтэн, үтүө баҕа санааларбытыттан күүс-уох эбинэҥҥин, өссө дьүккүөрдээхтик, кимиилээхтик үлэлээ диэн баҕа санаа бастыҥын тиэрдэбин.
Тыа сиригэр олорор, тыа хаһаайыстыбатынан дьарыктанар дьоммут-сэргэбит Эйиэхэ эрэллэрэ олус улахан, тыа хаһаайыстыбатыгар көрүллэр үп эбиллэн, хайысха кэҥээн иһэриттэн сүргэлэрэ көтөҕүллэр. Бу саҕалааһын эрэ буолар, онон ылыммыккын ыһыктыма, тобулбуккун тиһэҕэр тиэрдэр курдук гына, салгыы да ситиһиилээхтик үлэлээ, ай-тут! Аптаныамыйа тэриллибитэ 100 сыллаах үбүлүөйүн бука бары түмсэн, күүспүтүн холбоон, элбэх саҥа ситиһиилэрдээх, чыпчаал көрдөрүүлэрдээх көрсүөҕүҥ! Эйиэхэ барыта этэҥҥэ буоллун!
-
0
-
0
-
0
-
0
-
0
-
0
