Микиитэ Сайылыга уонна Сүгэ Сүппүт диэн сирдэр дэриэбинэттэн 2-3 км чугастар. Манна эһэлэр буулааннар, сыспай сиэллээҕи тарданнар, нэһилиэнньэҕэ куттал суоһаабыта.
--Бэҕэһээ, от ыйын 11 күнүгэр, нэһилиэк баһылыга Василий Рахлеев, быраата Роман Рахлеев уонна Руслан Слепцов буолан үһүөн бултаһа барбыттара. Өлүктэр аттыларыгар кэтээн, түүн атыыры дьаһайдылар, оттон тыһы хараҥаҕа куотан хаалбыт, -- диэн кэпсиир Уолба олохтооҕо Иннокентий Неустроев.
Руслан Слепцов айан суолугар баар чайнойугар аҕалан, сарсыарда 4 чаастаан астаан бардылар. Билигин нэһилиэнньэҕэ босхо түҥэтэ тураллар.
Аны билигин биир тыатааҕытын өлөрдөхтөрүнэ, дьон ити эҥээр хаптаҕастыы, дьэдьэннии куттаммакка барыа этэ.
-
0
-
0
-
0
-
0
-
0
-
0
