Панноҕа оскуола 70 үөрэнээччитин аата араас өҥнөөх таҥас лоскуйугар быысапканан тиһиллэн киирдэ. Панно эскиһин анал хамыыһыйа талыллан, өҥ-дьүһүн өттүн олус табыгастаахтык таҥан оҥордо. Ол курдук, оскуола иискэ дьоҕурдаах үлэһиттэрэ: Лариса Горохова, Алевтина Юмшанова, Татьяна Павлова, технология уонна уруһуй учуутала Елена Мигалкина салалталарынан үлэ кэмигэр бүттэ.
«Оҕо -- төрөппүт -- оскуола = бары бииргэ!» хайысханы тутуһар өр кэмнээх сыралаах үлэбит биир айар үлэтэ күн сирин көрдө.
Үйэлээх өйдөбүнньүк буолар, 3 миэтэрэ усталаах уонна 2,5 миэтэрэ кэтиттээх панно оскуола норуот олорон ааспыт олоҕун-дьаһаҕын кэпсиир, көрдөрөр түмэлин истиэнэтигэр ыйанан, кэрэ бэлэх буолан кэрэһэлии туруо. Үөрэнээччилэрбит эһэлэрин-эбэлэрин олорбут олохторун ытыктаан, хас биирдиилэрэ ааттарын тиһэн, панноҕа «Саха АССР 100 сылын үөрэнээччилэрэ» диэн ааты иҥэрдилэр. Үлэлэрин Саха АССР тэриллибитэ 100 сылыгар уонна бу үбүлүөйдээх сылга биллэриллибит Ийэ сылыгар анаатылар.
Розалия Слепцова, Дьааҥы Арыылаах
- 1
- 0
- 0
- 0
- 0
- 0