Издательский дом Редакция Подписка
Погода в Якутске: . 11 oC

Хас биирдии төрөппүт оҕотун чиҥ билиини биэрэр, инники идэҕэ бэлэмниир, үөрэх хаачыстыбатыгар бастыҥнар кэккэлэригэр киирэр оскуолаҕа үөрэтиэн баҕарар.

Хас биирдии төрөппүт оҕотун чиҥ билиини биэрэр, инники идэҕэ бэлэмниир, үөрэх хаачыстыбатыгар бастыҥнар кэккэлэригэр киирэр оскуолаҕа үөрэтиэн баҕарар.

Ааспыт сыл түмүгүнэн үөрэх хаачыстыбатын сыаналыырга СӨ үөрэххэ уонна наукаҕа министиэристибэтэ Саха Сиригэр 10 бастыҥ оскуола рейтинин таһаарда.

ТОП-10 киирбит бастыҥ оскуолалар:

  1. Дьокуускай куоракка баар өрөспүүбүлүкэтээҕи лицей-интернат I миэстэни,
  2. Дьокуускай куоракка баар Аан дойдутааҕы Аартыка оскуолата II миэстэни,
  3. Нерюнгритааҕы 24 №-дээх Информационнай-техническай лицей III миэстэни,
  4. В.П. Ларионов аатынан Дьокуускайдааҕы физико-техническай лицей IV миэстэни,
  5. С.К. Макаров аатынан Чурапчытааҕы гимназия V миэстэни,
  6. Дьокуускай куораттааҕы классическай гимназия VI миэстэни,
  7. Дьокуускай куораттааҕы лицей VII миэстэни,
  8. А.Е. Мординов аатынан Тааттатааҕы лицей VIII миэстэни,
  9. С.С. Каримова аатынан Нерюнгритааҕы 1 №-дээх гимназия IX миэстэни,
  10. Дьокуускай куораттааҕы «Айыы кыһата» Национальнай гимназия X миэстэни ыллылар.

Ол туһунан СӨ үөрэххэ уонна наукаҕа миниистирэ Ирина Любимова үөрэхтээһин эйгэтигэр 2022 сыл түмүктэрин таһаарар отчуокка билиһиннэрбитэ.  

«Алын, орто сүһүөх үөрэх тэрилтэлэрин үлэлэрин хаачыстыбатын үрдэтэргэ,  кинилэр төһө көдьүүстээхтик үлэлииллэрин сыаналыырга СӨ Үөрэххэ уонна наукаҕа министиэристибэтэ кэккэ ирдэбил бигэргэппитэ. Онтон саамай сүрүннэрин ааттаталаатахха маннык.

— Өрөспүүбүлүкэтээҕи инновационнай былаһаакка баар буолуохтаах, эбэтэр ол статуһу ыларга хандьыдаат;

— Үөрэх биридимиэти дириҥэтэн үөрэтии бырагырааматынан барыахтаах;

—11 кылааһы бүтэрбит выпускниктартан хас бырыһыаннара үрдүк, орто үөрэх кыһатыгар киирбиттэринэн көрөн, оскуолаҕа баал эбиллэр.

Ону таһынан, оскуола оҕолоругар Бүтүн Арассыыйатааҕы олимпиада эрэгийиэннээҕи түһүмэҕэр уонна түмүгэр хас оҕо кыайбыта, миэстэлэспитэ учуоттанар. Академик В.П. Ларионов аатынан «Инникигэ хардыы» өрөспүүбүлүкэтээҕи научнай кэмпириэнсийэ - эдэр чинчийээччилэр күрэхтэрин лауреаттарын, дипломаннарын ахсааннарын көрөбүт.

РФ Минпросвещениетын официальнай тэрээһинин испииһэгэр киирбит олимпиадаларыгар миэстэлэспит, кыайбыт оҕо аайы баал эбиллэр», — диэн быһаарар миниистир Ирина Любимова. 

Түмүктээн эттэххэ, ТОП-10 киирбит бастыҥ оскуолалар саамай элбэх ахсааннаах үөрэхтэригэр ситиһиилээх оҕолору, олимпиада призердарын, орто, үрдүк үөрэх кыһатыгар иҥнибэккэ киирбит үөрэнээччилэри бэлэмнээн таһаарбыттар.

  • 32
  • 1
  • 2
  • 0
  • 1
  • 2

Комментарии (1)

This comment was minimized by the moderator on the site

Ура

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением