Өрөспүүбүлүкэтээҕи инфокоммуникационнай технологияларга киинэ паромнар тохтуур сирдэригэр Дьокуускайга (Даркылаахха) 7 уонна Аллараа Бэстээххэ 9 камераны туруорда. Камералар үчүгэйдик үлэлээтиннэр диэн бары оптика утаҕар холбоммуттарын туһунан СӨ Инновацияҕа, сыыппараны сайыннарыыга министиэристибэтин пресс-сулууспата иһитиннэрэр.
“Мантан инньэ Даркылаахха уонна Аллараа Бэстээххэ паромнар төһө туолан эрэллэрин, массыыналар уочараттара хайдаҕын-тугун онлайн көрө олорор кыахтанныбыт. Бу тэрээһин уопсастыбаннай бэрээдэги олохтуурга анаан ыытылынна. Камералар паром сырыыта тохтуор диэри, ол эбэтэр алтынньы 25 күнүгэр диэри үлэлиэхтэрэ», - диэн СӨ инновацияҕа, сыыппараны сайыннарыыга миниистирэ Анатолий Семенов быһааран биэрдэ.
Туруоруллубут камералар үрдүк хаачыстыбалаах буоланнар түүн кытта устар кыахтаахтар, уһуллубут матырыйааллар өр кэмҥэ харыллыахтара. Онон мантан инньэ паромҥа киирэргэ суоппардар бэрээдэктээх буолаллара ирдэнэр.
Дьокуускайга (Даркылаахха) турар камералар
Аллараа Бэстээххэ (паром тохтуур сиригэр) турар камералар
Хаартыска: New.ykt.ru-тан
- 0
- 0
- 0
- 0
- 0
- 0