Дойду салайааччыта боростуой үлэһит киһи көрдөһүүтүн тута болҕомтоҕо ылбыта көһүннэ. Ол курдук, атырдьах ыйын 17 күнүгэр, Дьокуускайтан «Туйгун проект» тэрилтэ салайааччыта Василий Ващенко Кириэстээххэ кэлэн, култуура дьиэтэ тутуллуохтаах сирин көрдө-иһиттэ, тустаах чинчийиини уонна топосъемканы оҥордо. Улуус баһылыга Анатолий Григорьевы уонна тутуу управлениетын начаалынньыга Дмитрий Саввиновы кытта көрүстэ. Ол түмүгэр, култуура дьиэтэ саҥа миэстэҕэ, икки этээстээх таас варианынан тутуллар бырайыага бигэргэтилиннэ уонна толору хааччыллыылаах буолуохтааҕа быһаарылынна.
Бырайыак оҥорооччу бырайыагы бу сыл балаҕан ыйыгар экспертизаны ааһан бүтүөҕэр улууспут баһылыгар Анатолий Григорьевка мэктиэ тылын биэрдэ.
Уолбутугар, Үлэ Дьоруойар Владимир Африкановичка уонна Бэрэсидьиэммитигэр Владимир Владимировичка махтал буоллун!
-
0
-
0
-
0
-
0
-
0
-
0
