Былырыын Өрөспүүбүлүкэ күнүгэр бу бэлиэни туппут тоҕус киһи кэккэтигэр тыа хаһаайыстыбатын эйгэтиттэн инженер-мелиоратор Ариан Афанасьев, бэтэринээринэй учаастак сэбиэдиссэйэ Мария Аянитова бааллара.
Бэрэсидьиэн Владимир Путин Арассыыйа Федерациятын Үөрэҕин министиэристибэтин көҕүлээһинэн, 2025 сыл муус устар 1 күнүгэр таһаарбыт Ыйааҕынан, улуу педагог Константин Ушницкай төрөөбүт кулун тутар 2 күнүн Настаабынньык күнүнэн биллэрбитэ. Онон быйыл Настаабынньык күнэ кулун тутар 2 күнүгэр дойду үрдүнэн аан бастаан бэлиэтэннэ.
Бу күн «Саха Өрөспүүбүлүкэтин бочуоттаах настаабынньыга» аатынан бэлиэтэммит дьонтон биирдэстэрэ – Сунтаар улууһун Бочуоттаах олохтооҕо, «Кириэстээх» тыа хаһаайыстыбатын кэпэрэтиибин чулуу ыанньыксыта, Арассыыйа Үлэҕэ Дьоруойа, үс истиэпэннээх «Үлэ Албан аата» уордьан, «Хотугу Сулус» бэлиэ кавалера, Саха Өрөспүүбүлүкэтин норуотун хаһаайыстыбатын үтүөлээх үлэһитэ, өрөспүүбүлүкэ рекордсмен ыанньыксыта Владимир Михайлов буолар.
«Ил Түмэн» издательскай дьиэ» аптаныамынай тэрилтэ аатыттан Владимир Африкановиһы бочуоттаах аатынан эҕэрдэлиибит, дьолу-соргуну, чэгиэн доруобуйаны, үлэтигэр ситиһиини баҕарабыт.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин пресс-киинин архыыбыттан.
-
0
-
0
-
0
-
1
-
0
-
0
