Владимир Африканович ити күн сарсыарда өттүгэр АГАТУ-га сылдьан, преподавателлэри уонна устудьуоннары кытары көрүстэ. Күнүстэн киэһэ Бырабыыталыстыба 2-с №-дээх дьиэтигэр буолбут үөрүүлээх чиэстээһини тыа хаһаайыстыбатын миниистирэ Артем Александров салайан ыытта.
Үбүлээри былаас бэрэстэбиитэллэрэ, биир идэлээхтэрэ, үөлээннээхтэрэ эҕэрдэлээтилэр. Арассыыйа Федеральнай Мунньаҕын Федерация Сэбиэтин чилиэнэ, Федеральнай Мунньах аграрнай бэлиитикэҕэ уонна айылҕаны туһаныыга кэмитиэтин бэрэссэдээтэлин солбуйааччы Егор Борисов Владимир Африканович кини үөлээннээҕэ, биир саастыылааҕа буоларын бэлиэтээн туран, дириҥ ис хоһоонноох этиини оҥордо.
Бу курдук истиҥ-иһирэх тылларынан Үлэ Дьоруойун Ил Түмэн Сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин, биллиилээх судаарыстыбаннай деятель, үс ыҥырыыга Саха АССР Үрдүкү Сэбиэтин, үс ыҥырыыга Ил Түмэн дьокутаата Климент Иванов, учуонай-аграрниктар, АПК тэрилтэлэрин салайааччылара, биир дойдулаахтара уо.д.а. эҕэрдэлээтилэр. Сиһилии хаһыат кэлэр нүөмэригэр ааҕыаххыт.
Хаартыскаҕа Анна Сергучева түһэриитэ
-
4
-
0
-
0
-
0
-
0
-
0
