Издательский дом Редакция Подписка
Погода в Якутске: . -12 oC

Ньурба Антоновкатын олохтооҕо Агафья Тарасова баччаларга оҕуруот аһын көрүүгэ-истиигэ маннык сүбэлиир.

Ньурба Антоновкатын олохтооҕо Агафья Тарасова баччаларга оҕуруот аһын көрүүгэ-истиигэ маннык сүбэлиир.

Билигин оҕуруотчут сүрүн соруга – сайын устата көрбүт-истибит оҕуруотун аһын ыкса күһүҥҥэ диэри тиэрдии, саҥа тахсан эрээччилэри улаатыннарыы буолар. Дьэ онуоха кэккэ сатабылы эрэйэр албастар элбэхтэр:

Оҕурсууну наһаа улаатыннара сатаабакка хомуйан истэххэ, саҥалар тахсаллар. Балаҕан ыйын саҥатыгар оҕурсуу сэбирдэхтэрин барытын быһан, сибэккилэрин эрэ хаалларан, сылаас ууну кута сырыттахха, уонча хонук иһигэр ас бөҕөтүн кутар. Дьэ, бу – кыһыҥҥы хаһааска барар астар.

Помидору күөхтүү хомуйарга ыксаамаҥ, угуттан сэрэнэн тутан, силиһин сэрэнэн өрө көтөҕөн биэриҥ – силиһэ үүнэрэ тохтуо, ол оннугар аһа улаатан, ситиэ, угар туран буһан, кытаран барыа. Иккис ньыма: угун сарбыйан, сэбирдэҕин быһыталаан кэбистэххэ, помидор аһын үчүгэйдик кутар.

Чочунаах улаатарын, ситэрин наадатыгар угун баайыллар.

Кыһын хаһааныллар кабачуогу атырдьах ыйын ортотуттан улаатыннарыллар, хаҕа халыҥаатаҕына, умуһахха балачча уһуннук, кулун тутарга диэри, тулуктаһар.

Тыыкыба астаах угар үөһэттэн үс-түөрт сэбирдэҕи хаалларан баран, төбөтүн сарбыйыллар, ордук хос лабаатын быһыллар.

Биэрэс улахан сэбирдэхтэрин, алларааҥҥы лабаатын ылар уонна төбөтүн быһар ордук, оччотугар сибэккилэрэ сайдан, ас биэрэллэр.

Моркуобу убаттахха (улааппыттары тоноон кэбистэххэ), аһа улаатар. Уоҕурдууну кутары тохтотуллар. Түүн сөрүүдүйдэ, онон сылааһы хааччыйар туһугар, үүнээйилэр төрдүлэрин кураанах отунан сабыллар.

Күннэтэ көмтөххө, улаатар

Хаппыыста сүрэҕэ ситэри хомулла илик буоллаҕына, ыксаамаҥ. Хомуйуохха диэри өссө да ый кэриҥэ кэм баар. Билигин кини алларааҥҥы сэбирдэхтэрэ наадата суохтар, онон итилэри быһан кэбиһиҥ уонна саамай улахан сэбирдэҕин үрдүгэр саба быраҕыҥ. Аллараа өттүн күн аайы тээпкэлээн, буорунан көмөн биэриҥ. Ый иһигэр киһи билбэт гына улаатыа.

Чочунаах хаһан ситэрий?

Атырдьах ыйын бүтүүтүгэр эбэтэр балаҕан ыйын саҥатыгар чочунаах уга саһарда да, ол аата – сиппит, хомуйарга уолдьаспыт. Ону хомуйан буорун ыраастаан, биир күн сытыаран үчүгэйдик хатарыллар.

Уга кытаанах буоллаҕына, өрөн баран, сөрүүн уонна хараҥа сиргэ ыйанар, уһун силиһин аҥаарын быһыллар. Эбэтэр хоруопкаҕа уган холодильник аллараа дьааһыгар уган харайыллар. Онно кини туох да буолбат, кыһыны быһа сытар, сымнаабат, үүммэт.

  • 3
  • 0
  • 0
  • 0
  • 0
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23