– Арассыыйа Федерациятын үрдүнэн Билии күнүгэр 39 тыһыынча 218 оскуола аанын тэлэччи арыйда. Бу оскуолаларга 17,5 мөлүйүөн оҕо үөрэниэҕэ, ити былырыыҥҥытааҕар 500 тыһыынчанан элбэх. Ол иһигэр икки мөлүйүөн оҕо оскуола боруогун саҥа атыллаан, маҥнайгы кылааска киирдэ, техникумнарга уонна коллежтарга биир мөлүйүөн оҕо үөрэнэ киирдэ, – диэтэ Сергей Кравцов.
Ааспыт үөрэх дьылыгар 71 оскуолаҕа оҕолор үс симиэнэнэн үөрэммит буоллахтарына, быйыл үс эрэ оскуола үс симиэнэлээх буолуоҕа. Дойду үрдүнэн 2 тыһыынча кэриҥэ оскуолаҕа хапытаалынай өрөмөн үлэтэ ыытыллыбыт. Бу оскуолалар бука бары аныгы ирдэбилгэ сөп түбэһэр үөрэх тэриллэринэн, миэбэлинэн, саҥа үөрэнэр кинигэлэринэн, босуобуйаларынан, уус-уран литературанан хааччылыннылар, түргэн интернет-ситимҥэ холбоммуттар.
Луганскай уонна Донецкай народнай өрөспүүбүлүкэлэр босхоломмут территорияларыгар 1 183 оҕо саада, 1 376 оскуола уонна 203 колледж аһыллар. Үөрэх министиэристибэтин иһинэн, Бүтүн Арассыыйатааҕы төрөппүт кэмитиэтэ тэрилиннэ, ити үөрэнээччилэр төрөппүттэрэ иитэр-үөрэтэр тэрилтэлэр үлэлэригэр, иитии-үөрэтии процеһыгар өссө көхтөөтүк кытталларыгар кыаҕы биэриэҕэ.
- 1
- 0
- 0
- 0
- 0
- 0