Уопсастыба

Томпо улууһун Кирисэ Халдьаайы орто оскуолатыгар 199 оҕо үөрэнэр. Ааспыт үөрэх дьылыгар бастакы ФГОС оҕолоро оскуоланы бүтэрдилэр. 2021 сыл ыам ыйын 30 күнүгэр саҥардыллыбыт ФГОС бирикээһэ тахсыбыта. Онно бэлэмнэнии түһүмэххэ ааспыт үөрэх дьылыгар функциональнай грамотноска кустовой семинар ыыппыт буолан син бэлэммит.

Бу дьыл «Наставник-педагог сылынан» биллэриллибитэ. Оскуолабытыгар хайы-сах методхолбоhуктар салайааччылара үс төгүл мунньахтаабыттар. Онон, хас биирдии методхолбоһуктан биирдии наставник баар буолла. Бу наставниктар түмсүүлэрэ араас хайысхалаах үлэлэрин торумун оҥорбуттар. Биир улахан тэрээһининэн олунньу ыйга «Мин уонна мин наставнигым» диэн «Алдан Ситим» эрэгийиэннээҕи сэминээр былааннанар. Бу күн аҕыс педагог-наставник туоһу сэртипикээттэрин дохсун ытыс тыаһын ортотугар туттулар.
Быйылгы үөрэх дьылыгар оскуолабытыгар икки эдэр педагог кэллэ: социальнай үлэһит И.И.Охлопкова уонна информатика учуутала А.В. Ефимов. Иккиэн бэйэбит үөрэнээччилэрбит, иитиллибит-үөрэммит оскуолаларыгар кэлэллэрэ хайҕаллаах. Кинилэри эҕэрдэлээн дириэктэр С.А. Слепцов сэртипикээт туттарда.

Ааспыт үөрэх дьылыгар аттестацияны тоҕус учуутал ааспыта, бу үөрэх дьылыгар 11 учууталтан иккитэ ааста. Тохсус кылааска 19 оҕоттон үс үөрэнээччи «кыһыл» аттестат ылбытын, аҕыс оҕо үөрэххэ киирбиттэрин үөрэ иһиттибит. Оскуоланы бүтэрбит 23 оҕоттон үһэ кыһыл көмүс мэтээлинэн түмүктээбиттэригэр уонна оҕолор бары үөрэххэ киирбиттэригэр кылаас салайааччытыгар, учууталларга махтал улахана ананна. Ааспыт үөрэх дьылыгар эксээмэннэргэ үчүгэҋ көрдөрүүлээх учууталлар «Махтал суруктарынан» бэлиэтэннилэр.

Оҕо сынньалаҥын уонна доруобуйатын тупсарар үлэни тэрийэр «Саха отдых-2022 с.» өрөспүүбүлүкэтээҕи пуорумҥа кыттан кэлбит учууталлар: А.Н. Сыромятникова, М.Н.Местникова туох саҥаны билбиттэрин сиһилии кэпсээтилэр, санааларын үллэһиннилэр. Бу күн өссө биир үөрүүлээх түгэнинэн Саха сирин учууталларын XlV сийиэhин кыттыылааҕа, Саха Автономията 100 сылын көрсө ыытыллыбыт «100 бастыҥ учуутал" ахсааныгар киирбит Елена Семеновна Охлопкованы чиэстээһин буолла. Елена Семеновна өр сылларга нуучча тылын уонна литэрэтиирэтин учууталынан биһиги оскуолаҕа үлэлиир, улахан таһаарыылаах үлэтинэн киэн туттар учууталбыт.

Маннык үөрүүлээх быһыыга-маҋгыга «Организация работы педагогического коллектива по повышению качества образования» диэн тиэмэҕэ мунньахпыт үрдүк таһымҥа ааста. Үлэни сөпкө дьүөрэлээн, аттаран ыытар завучпут, бэйэбит үөрэнээччибит Аграфена Ивановна Мегинова  харахпыт ортотугар үүнэн-сайдан иһэрин үөрэ көрөбүт, элбэххэ эрэнэбит. Саҥа үөрэх дьыла өссө ситиһиилээх буоллун, билии-көрүү аартыга арыллан истин! Учууталлар оҕолорбутун кытта тэҥинэн сайдар суолбут инникилээх, кэскиллээх буолуохтун!
Ирина Харайданова, Томпо, Кириэс Халдьаайы