Издательский дом Редакция Подписка
Погода в Якутске: . 24 oC

Тыа хаһаайыстыбатын миниистирин солбуйааччы Прокопий Николаев «Томпо» кэпэрэтиип (фактория) үлэһиттэрин кытары көрсөн, үлэ-хамнас туһунан кэпсэттэ.

Тыа хаһаайыстыбатын миниистирин солбуйааччы Прокопий Николаев «Томпо» кэпэрэтиип (фактория) үлэһиттэрин кытары көрсөн, үлэ-хамнас туһунан кэпсэттэ.

Көрсүһүүгэ «Томпо» фактория үлэһиттэрэ: дириэктэр Анатолий Тарабукин, 1 №-дээх ыстаада табаһыттара Вениамин Баишев, Григорий Баишев, каадыры кытары үлэ исписэлииһэ Айталина Баишева, сүрүн бухгалтер Наталья Неустроева, суоппар Михаил Неустроев, оттон министиэристибэ аппараатыттан Хотугу үгэс буолбут салаа департаменын салайааччы Иннокентий Баланов, сүрүн исписэлиис Айаал Оконешников кыттыыны ыллылар. Көрсүһүүгэ хаһаайыстыба министиэристибэ чэрчитинэн судаарыстыбаннай өйөбүл куонкурустарыгар кыттыытын туһунан кэпсэтии таҕыста. Ол түмүгэр кэлэр 2024 сылга хаһаайыстыба Усуйаана улууһуттан 1000 табаны атыылаһыан сөбүн туһунан этилиннэ.

Томпо_-ПН.jpg

Миниистири солбуйааччы Прокопий Николаев өрөспүүбүлүкэҕэ таба иитиитин туругун билиһиннэрдэ, Анаабыр, Булуҥ, Усуйаана уонна Аллараа Халыма улуустарын хаһаайыстыбаларын көрдөрүүтэ үрдүгүн бэлиэтээтэ. Ыстаадалары көһө сылдьар дьиэнэн уонна тиэхиньикэнэн хааччыйыы үлэтэ салгыы ыытылларын туһунан эттэ. Эккэ туттуллар табаны уотууну тэрийэр соругу туруорда.

Томпо_--_ИБ.jpg

«Томпо» кэпэрэтиип салайааччыта Анатолий Тарабукин бөрө элбээбитэ уонна үлэһит илии тиийбэтэ үлэни-хамнаһы атахтыырын эттэ, бородууксуйаны таҥастааһыҥҥа уонна батарыыга өйөбүл көрөргө туруоруста. Быйыл табаһыттарга анаммыт кэккэ боччумнаах дьаһаллар тэриллэллэрэ былааннанар. Ол курдук, кулун тутарга, Нерюнгри Иенгратыгар IV Хотугу норуоттар оонньуулара, Баатаҕай Алыытыгар көс ыаллар өрөспүүбүлүктээҕи куонкурустара, Муома улууһун Улахан Чыыстайыгар биллиилээх табаһыт Христофор Николаевич Дьячков 100 сааһын бэлиэтээһин чэрчитинэн Табаһыттар өрөспүүбүлүктээҕи сүлүөттэрэ ыытыллыахтаах.

Томпо_--_мунях_1.jpg

Маны таһынан, Чукча аптаныамынай уобалаһыгар Арассыыйа Федерациятын Табаһыттарын сийиэһэ буолуохтаах. «Томпо» кэпэрэтиип бэрэстэбиитэллэрэ бу сийиэскэ өрөспүүбүлүкэ табаһыттарын дэлэгээсийэтэ кыттыыны ылара наадатын бэлиэтээтилэр. Сийиэһи көрсө өрөспүүбүлүкэ бары табаһыттарыгар таба ахсаанын 173 тыһыынчаҕа, тугуту ылыыны 60 %-ҥа тиэрдэргэ, улахан таба 90 %-ын чөл тутарга ыҥырыы таһаарыахха сөбүн эттилэр.

Томпо_--_мунях_2.jpg

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением