СӨ Судаарыстыбаннай сүбэһитэ, Геокултуурунай сайдыы институтун генеральнай дириэктэрэ Андрей Борисов, СӨ Олоҥхо тыйаатырын салайааччыта Мария Турантаева, Өрөспүүбүлүкэтээҕи норуот айымньытын дьиэтин генеральнай дириэктэрэ Сергей Семенов өрөспүүбүлүкэ 10 улуус баһылыгын кытары түөрт өрүттээх сөбүлэһии түһэристилэр. Горнайга, Кэбээйигэ, Мэҥэ Хаҥаласка, Намҥа, Ньурбаҕа, Уус Алдаҥҥа, Аммаҕа, Бүлүүгэ, Үөһээ Бүлүүгэ, Сунтаарга олоҥхо сайдар тосхолун түстүүр Олоҥхо дьиэлэрэ аһыллыахтара.
— Бүгүн 10 оройуон баһылыгын кытары илии баттастыбыт. Салгыы хайдах курдук үлэлиирбит чопчуланна, бу тосхол аҥардас кумааҕыга эрэ хаалбатын туһугар үлэлиэхпит. Кинилэр ыытар, тэрийэр үлэлэрэ Ил Дархан Айсен Николаев уурааҕар эппиэттиир буолуохтаах. Олоҥхо дьиэлэригэр сыл ахсын 50-нуу мөл. солк. өйөбүл көрүллүөҕэ. Хас биирдии оройуону кытта салгыы туһааннаах дуогабар түһэрсиэхпит, — диэн бэлиэтээтэ СӨ Култуураҕа уонна духуобунай сайдыыга миниистирэ Юрий Куприянов.
- 2
- 0
- 0
- 0
- 0
- 0