Уопсастыба

Хой

2023 сыл Хойдорго элбэх интэриэһинэйи эрэннэрэр. Сулустар кинилэргэ Хоруолук сыла этэҥҥэ ааһарын туһугар араас быһыыга-майгыга үөрэнэллэригэр, оруо маһы ортотунан барбаттарыгар сүбэлииллэр. Эһиги тус бэйэҕитигэр саҥа кэскиллэри арыйыаххыт. Саҥа үөрэҕи ылар, идэ таһымын үрдэтэр кыах баар. Маны тэҥэ матырыйаалынай былааҥҥа ситиһии күүтэр. Бу кыаҕы туһанан хамсаабат баайы-дуолу, малы-салы ылыныҥ. Дьиэ кэргэҥҥитигэр эбиллии күүтэр. Кэлэр сыл эһиэхэ көдьүүстээх буолуоҕа.

Сыл саҕаланыаҕыттан элбэх үлэ тэрээһин күүтэр. Араас кыһалҕаны, суһал дьыаланы кыайар туһуттан уонна ситиһии түргэнник кэлэрин инниттэн бары күүскүтүн түмүөхтээххит, сүрэҕэлдьииргитин тохтотуохтааххыт.

Бу Зодиак бэлиэтинэн төрөөбүттэр ортолоругар норуот дьокутааттара Е. Голомарева, Р. Солнышкина, М. Силкина, С. Никонов, А. Атласова уонна М. Эверстов бааллар.

Оҕус

Олоххо көрүүгүтүн уларытыҥ. Эһиэхэ чугас дьоҥҥут интэриэһэ бастакы уочарат туруохтаах, ол эрэ кэнниттэн карьераҕыт  туһунан толкуйданыҥ. Саас үп-харчы өттүнэн кыһалҕалары көрсүөххүтүн сөп, ол эрээри түргэнник ааһыаҕа. 2023 сыл Оҕуска үп-харчы, карьера уонна дьиэ кэргэн бигэ туруктаах буоларын эрэннэрэр. Бу зодиак бэлиэлээхтэр саҥа партнердары, доҕоттору көрсүөххүтүн сөп. Сулустар эһигини харчыны мээнэ, толкуйа суох бараабаккытыгар уонна бэйэҕитин туттуна сылдьаргытыгар сүбэлииллэр.

Бу Зодиак бэлиэтинэн норуот дьокутааттара А. Еремеев, С. Ларионов, А. Слоик, И. Андреев төрөөбүттэр.

Игирэлэр

Тулалыыр дьоҥҥутугар уонна саҥарар, суруйар хас биирдии тылгытыгар-өскүтүгэр болҕомтолоох буоларгыт ирдэнэр. Үтүө сыһыаны олохтуур алдьатардааҕар ыараханын умнумаҥ. Мунньуллубут санааларгытын айар үлэҕитигэр суруйа сатааҥ. Үгүскүт саҥа интэриэһинэй умсулҕаҥҥа ылларыаххыт, бу дьарыккыт инникитин олус барыстаах буолуон сөп. Ону өйдөөҥ. Тус бэйэҕит баҕа санааҕыт туоларын туһугар анаан ылсыҥ, күүскэ кыһаллыҥ. Бэйэҕитигэр туһалаах үөрүйэхтэри иҥэриниҥ, ол олоххутугар кэлин көмөлөһүөҕэ. Игирэлэр аһылыккытын көрүнүҥ. Быйыл тус олоххутугар уонна үлэҕитигэр уустук быһыы-майгы үөскүөн сөп, онно бэлэм буолуҥ.

Бу Зодиак бэлиэтинэн төрөөбүттэр ортолоругар Ил Түмэн дьокутааттара С. Филиппов, С. Афанасьев, Н. Захарова, А. Гоголев, И. Данилов, Д. Семенов бааллар.

Араак

Быйыл араактар саарбахтыыр санааҕыт күүһүрэн эһигини баһыйа тутуо. Онуоха хорсун буоларгыт наада. «Кто не рискует, тот не пьет шампанское» диэн нуучча норуотун муудараһын умнумаҥ. Быйыл эһигини наҕараада күүтэр. Үлэҕитигэр, дуоһунаскытыгар өрө тахсыы, ону тэҥэ тус олоххутугар эмиэ ситиһии буолара күүтүллэр. Эһиги урут кыыһырса сылдьыбыт дьоҥҥутунаан өйдөһөр санааҕа кэлиэххит. Хоруолук сылыгар эһиги баҕа санааҕыт барыта туолуоҕа. Үп-харчы чэпчэкитик кэлиэҕэ. Элбэх айан, суол, командировка күүтэр. Куһаҕан санаалаах, өһүөннээх дьонтон сэрэниҥ, тэйиччи сылдьыҥ, кинилэри кытта чугастык бодоруспаккыт ордук.

Араак Зодиак бэлиэтинэн төрөөбүт Ил Түмэн дьокутааттара - П.Петров, В.Чичигинаров, В.Лютый.

Хахай

Хорсун Хахайдар саҥа сыл хаһаайынын Хоруолугу кытта куо­тала­һымаҥ. Сытыы, сыыдам хоруолук куоталаһыыны сөбүлээбэт, табыгастаах кэмҥэ бэйэҕитин үөһэттэн түһэрэр кыахтаах. Күүс-уох, дьаныар, тулуур, үтүө майгы - Хахайдар куоһургут. Бу хаачыстыбаларгытынан билиниини, ытыктабылы ылыаххыт. Бу үүнэр сылга эһиги үтүөнү оҥоруунан эбэтэр сырдатар үлэнэн дьарыктанаргыт табыгастаах. Оччоҕуна үп-харчы балаһыанньата өссө тупсан эрэ биэриэҕэ. Доруобуйаҕытыгар болҕомтото уурууҥ. Баҕар, бодоруһуу эйгэтигэр улахан уларыйыы тахсыаҕа. Дьиэ кэргэн олоҕор өйдөспөт буолуу курдук ыарахан түгэннэр уонна арахсыы да баар буолуохтарын сөп. Оттон соҕотох буоллаххытына, саҥа билсиһиилэр күүтэллэр.

Бу Зодиагынан түөрт Ил Түмэн дьокутааттара И. Григорьев, Ю. Николаев, С. Березин, Н. Кульбертинов төрөөбүттэр.

Кыыс

2023 сылга карьераҕытыгар өрө тахсыы уонна улахан үп-харчы киирэрэ күүтүллэр. Маны сэргэ эбии дохуоттанаргытыгар саҥа кыахтар аһыллыахтара. Олоххо туһалааҕын булан көрөргө кыһаллыҥ, оччоҕо сыалгытын-соруккутун куруук даҕаны ситиһиэххит. Биир санаалаах, эрэллээх дьону кытта алтыһыҥ, кинилэри кытта кыайыы үөрүүтүн үллэстиэххит. Балачча сыраҕытын уурдаххытына, былааннаабыккытын, толкуйдаабыккытын олоххо киллэриэххитин сөп. Сулустар эһиэхэ кирэдьиит уонна иэс харчы ылбаккытыгар сүбэлииллэр. Майгыгытыгар уоххутун уҕарытан, бэйэҕитин хааччахтыырга үөрэниҥ, оччоҕо үтүө түмүктэр өр күүттэриэхтэрэ суоҕа.

Кыыс бэлиэнэн элбэх дьокутааттар төрөөбүттэр. Кинилэр тохсуолар: Т. Егорова, Ю.Кондратьев, Г. Васильев, В. Прокопьев, В. Федоров, Я. Ефимов, О. Михайлова, Н. Румянцева уонна Г. Алексеев.

Ыйааһын

Иҥсэ, ымсыы курдук омсолоох санаалар Ыйааһыннары кутталга тиэрдиэхтэрэ диэн сулустар сэрэтэллэр. Саҥа сылга араас куонкурустарга кыттарга тоҕоостоох кэм. Итиннэ эһиги кыайыылары ситиһиэххитин сөп. Бэс ыйын саҥатыттан Ыйааһыннары барыгытын даҕаны ситиһиилэр күүтэллэр. Сыл устата кэмиттэн-кэмигэр Ыйааһыннар холку туруктарыттан тахсар буолуохтарын сөп. Ордук кыһын, күһүн эһиэхэ тыҥааһыннаах кэмнэр үүнүөхтэрэ. Ити кэмҥэ иирсээнтэн сэрэнэр, тиэхиньикэттэн сэрэхтээх, куттал суох буолуутун тутуһар уонна сыаналаах кумааҕылары атыылаһарга ордук сэрэхтээх буоларгыт наада.

Ыйааһын бэлиэлээх дьокутааттар: А. Находкин, А. Смирнов, Л. Явловская, П. Юмшанов.

Скорпион

2023 сыл бастакы аҥаара Скорпионнарга дьиэ-уот кыһалҕатын уонна үлэ боппуруостарын быһаарары баҕарыаҕа. Ол эрээри хамсаабат баайга, өрөмүөҥҥэ, сынньалаҥҥа, доруобуйаҕытын тупсарарга уонна чугас дьоҥҥутугар бэлэхтэри оҥорорго харчыгытын харыстаамаҥ  диэн эһиэхэ сулустар сүбэлииллэр.  2023 сыл Скорпионнарга олус табыгастаах буолуоҕа. Ханнык баҕарар уларыйыы эһиэхэ туһаны эрэ аҕалыа. Ордук сэрэхтээх, толкуйдатар түгэннэргэ ис куоласкытын истэргит наада. Ол гынан интуицияҕыт сыыһыа суоҕа, Хоруолук сылын устата эрэллээх сүбэһиккит буолуоҕа.

Бу Зодиак бэлиэтинэн төрөөбүт норуот дьокутааттара эмиэ элбэхтэр: М. Евсеев, Е. Кожухов, В. Куличкин, А. Ромашов, В. Губарев, Ф. Габышева, П.Ксенофонтов, С. Афанасьев, М. Христофорова.

Охчут

Эрчимнээх Охчуттар 2023 сылга биир сиргэ кыайан тэһийэн олороллоро уустук. Кинилэртэн ким эрэ олох укулаатын уларыта охсуохтарын уонна оннооҕор Арассыыйа тас өттүгэр барыахтарын баҕарыахтара. Ол кимиэхэ эрэ сыл иккис аҥаарын саҥатыгар кыаллыаҕа. Ый өлүүтүгэр, быйыл ыам ыйыгар уонна сэтинньигэ дьоһуннаах быһаарыыны ылыныыттан тохтоон, өйдүүн-санаалыын чугас дьоҥҥутун кытта бииргэ буолуҥ.

2023 сылга Охчут ханнык баҕарар бүрүкүрээтийэ өттүттэн кыһалҕалара чэпчэкитик быһаарыллыахтара. Сулустар эһиэхэ сүбэлииллэр: иккис суолталаах дьыалаҕытын туора ууруҥ, урукку ыра санааҕытын олоххо киллэрэргэ кыһаныҥ. Ол табыллыаҕа. Кылаабынайа, балаһыанньаны бэйэҕит илиигитигэр ылан, бары боппуруостары түргэнник быһаарыҥ.

Бу Зодиагынан Ил Түмэн дьокутааттара И.Слепцов, А. Николаев, Р. Федотов, А. Кошуков, И. Романов уонна Ю. Баишев төрөөбүттэр.

Чубуку

Тус сыалларын ситиһэр Чубукулар айылҕаттан аһыннарар үөрүйэхтэрэ суох. Баҕарбыттарын бэйэлэрэ ылаллар. 2023 сыл да ураты буолуо суоҕа, төттөрүтүн Чубукулар балаһыанньаларын бөҕөргөтүө эрэ. Саас, сайын, күһүн хамсаабат баайы-дуолу кытта сибээстээх кэпсэтиилэр табыллыахтара.

Чубуку 2023 сылга аа-дьуо, туох да уларыйыыта суох олоруу үчүгэйин уонна бэйэтигэр эр киһи оруолун, эбэһээтэлистибэтин ылыммат хайдаҕын билиэхтэрэ. Бу Ый бэлиэлээхтэр доруобуйаҕытыгар кыһалҕалары көрсүөххүтүн сөп. Сайыҥҥа диэри саҥа дохуоттанар төрүөт үөскүөҕэ. Чубукуларга эрэннэрбиттэрин аҕыйаттахтарына уонна утарааччыларын тохтоттохторуна, үп-харчы да баар буолуоҕа.

Бу Зодиак бэлиэлээх Ил Түмэн дьокутааттара төрдүөлэр -А.Григорьева, В.Семерков, А. Жирков уонна А.Семенов.

Күрүлгэн

2023 сылга Күрүлгэннэр кыахтара уонна дьоҕурдара аһыллыаҕа. Күрүлгэннэри «креативнай» идиэйэлэр хас хардыы аайы тоһуйуохтара. Ону эһигиттэн атын көрүүлээх дьону кытта үллэстибэккит ордук. Кинилэр итэҕэйбэт, саарбаҕалыыр бэлиэтээһиннэрэ эһиэхэ табыгаһа суох, иэйии киирэрин быһыахтара, өрө көтөҕүллүүгүтүн түһэриэхтэрэ.

Саҥа сылга сулустар сүбэлииллэринэн, бириэмэҕитин үлэҕит саҥа хайысхаларын баһылыырга анааҥ. Бу ый бэлиэтин ыраах айан уонна ураты умсулҕан күүтэллэр. Сулустар Күрүлгэннэргэ дьиэ-уот боппуруостарын кичэйэн хонтуруоллуургутугар сүбэлииллэр.

Күрүлгэн бэлиэлээх алта дьокутааттар: Р. Зорин, М. Гуляев, В. Макаров, А. Мамедов, Анатолий Николаев уонна В.Богданов.

Балыктар

Уу эйгэтин чаҕылхай бэрэстэбиитэлэ Балык Хоруолук тапталлааҕа уонна дьылҕа атааҕа буолуоҕа. Өскөтүн сүрэх ыйааҕынан сороҕор сүүрүк утары айаннаатаҕына даҕаны барыта этэҥҥэ. Үлэ миэстэтин уларытыы эбэтэр атын куоракка көһүү, эргэ сүгэһэрдэртэн босхолонуу уонна саҥа уруу үөскээһинэ, дьиэ кэргэҥҥэ эбиллии Балык үтүө аҥаарын таарыйыаҕа. Маннык элбэх түгэни кыайа тутуу уустук буолуоҕа. Кылаабынайа, таһынан барар санааттан тимирбэккэ, уста сылдьары ситиһиҥ.

2023 сылга Балыктар үпкэ-харчыга ыарахаттары уонна доруобуйаларыгар кыһалҕалары көрсөллөрө сабаҕаланар. Тулалыыр эйгэни дьүүллүүр уонна көҕүлүүр кыахтанан, атыттарга олохторун миэстэтин булуналларыгар көмөлөһүөхтэрэ.

Бу Зодиагынан Ил Түмэн сэттэ дьокутаата М. Николаев, С. Никитин, О. Пустовой, В. Лебедев, О. Пискунов, П. Пинигин уонна А. Дорогань күн сирин көрбүттэр.