Остуоруйаны СѲ култууратын туйгуна Альбина Тумусова туруорда. Сценографиятын, эриэккэс кѳстүүлээх реквизиттары худуоhунньук-оформитель, СѲ култууратын туйгуна Айталина Федорова, оттон мусукаалынай аранжировкатын Прокопий Григорьев оңордулар. Хореограф-туруорааччынан Анжелика Седалищева үлэлээтэ.
Суруйааччы Сергей Аксаков киэңник биллэр «Аленький цветочек» остуоруйатын сыанаҕа туруорар туhунан санаа «Кыталык» КД айар үлэhиттэригэр ѳссѳ биир сыллааҕыта кэлбит, бэл диэтэр, оруолларыгар кимнээх оонньуулларын кытта быhаарбыттар эбит.
Ньурбатааҕы Оҕо ускуустубатын оскуолатын «Сир симэхтэрэ» (сал. А. Седалищева) устуудьуйатын үңкүүhүттэрэ остуоруйаны ситэрэн-хоторон биэрдилэр.
Саңа дьыллааҕы кѳрдѳрүү оҕолорго уонна тѳрѳппүттэргэ алыптаах бырааhынньыгы бэлэхтээн үѳртэ-кѳтүттэ.
«2023 сыл символа» карнавал кѳстүүмнэрин кѳрүү-куонкуруhугар Ст. Васильев аат. Элбэх профиллээх Ньурбатааҕы гимназия үѳрэнээччитэ Иванова Мария, оттон мааска күрэҕэр Антоновка с. Егоровтар дьиэ кэргэттэрэ кыайдылар.
Фойеҕа элбэх аттракционнар аhылыннылар, батут да баар. Григорьевтар дьиэ кэргэттэрин мини-зоопаркалара улахан сэргэхсийиини таhаарда. Онно дьикти кыыллары — шиншиллалары, ежиктары, бытыктаах агаманы, хорегу уонна оннооҕор тропическай сахарнай поссуму кѳрүѳххэ сѳп.
Үгэс быhыытынан уоттаах-күѳстээх күѳх харыйа аттыгар Тымныы Моруос Оҕонньорго оҕолор хоhоон этэн, ырыа ыллаан, бэлэхтэри туттулар.
- 0
- 0
- 0
- 0
- 0
- 0