Ааспыт 2022 сыл, Ньурба куорат 25 сыллаах үбүлүѳйүнэн сибээстээн, Ньурба патриотун сылынан биллэриллибитэ. Ити сыл түмүктэринэн «Ньурба патриота» анал үбүлүѳйдээх бэлиэлэр бастың үлэhит, уопсастыбанньык, тѳрѳѳбүт сирдэрин таптыыр-ытыгылыыр, кини үүнэрин-сайдарын туhугар кылааттарын киллэрбит дьоңңо туттарылыннылар.
Наҕараадалары Ньурба куорат олохтоохторо Михаил Кириллин, Афанасий Семенов, Розалия Иванова, Любовь Григорьева, Станислав Субботин, Александр Дудин, Анна Васильева, Валентина Федотова, Борис Борисов, Аял Бияков уонна Светлана Соловьева ыллылар. Ону тэңэ харчы сэртипикээттэрин дзюдоҕа Арассыыйа первенствотын юниоркалар ортолоругар кыайыылааҕа Полина Иудина уонна кини бастакы тренерэ, СѲ үтүѳлээх тренерэ Эдуард Соловьев туттулар.
Кинилэр ортолоругар К.Д. Уткин аат. Норуоттар доҕордоhууларын түмэлин научнай-чинчийэр отделын сэбиэдиссэйэ Борисов Борис Борисович ааттанна. Патриот сылыгар кини "Грани личностей" (ааптар-оңорооччу), "Большая раскраска. Город Нюрба", "История в пожелтевших страницах" (хамыыhыйа састаабыгар) кинигэлэр тахсалларыгар үлэлээбитэ.
Саха АССР тѳрүттэммитэ 100 сылыгар анаан түмэлгэ бэлиэ миэстэҕэ туруоруллубут «Судаарыстыбаннас саалатын» тиэмэтин, экспозициятын былаанын ааптара.
Ону таhынан, улууска «Сата Уус» уус кыhатын маастарыстыбатын ѳрѳспүүбүлүкэтээҕи бэстибээлин ыыппыт хамыыhыйаны салайбыта. Бүтүн Арассыыйатааҕы НПК тэрийсибитэ —"Айыы таҥара и кузнечный культ в тенгрианстве" уо.д.а.
-
0
-
0
-
0
-
0
-
0
-
0
