Икки бүк дьолломмут ийэлэри улуус баһылыгын солбуйааччы Павел Петров, нэhилиэнньэ социальнай кѳмүскэлин управлениетын салайааччыта Альбина Алексеева уонна тѳрүүр дьиэ үлэһиттэрэ эҕэрдэлээтилэр.
Горнай улууhун 2023 сылга аан бастакы оҕото – кыыс оҕо — тохсунньу 9 күнүгэр күн сирин кѳрѳн, Аһыма нэhилиэгин олохтоохторо, 4 оҕолоох Леонтьевтар дьиэ кэргэттэрин үѳрүүлэрэ үксээбитэ.
Иккис кыыс оҕо тохсунньу 10 күнүгэр Мытаах нэhилиэгин Константиновтар элбэх оҕолоох дьиэ кэргэттэригэр бэһис оҕонон тѳрѳѳбүтэ.
Кэрэхсэбиллээҕэ диэн, кырачаан кыргыттар иккиэн элбэх оҕолоох ыалларга күн сирин көрдүлэр. Кинилэр чэгиэн-чэбдик, ситиhиилээх, дьоллоох буоллуннар!
- 1
- 2
- 0
- 0
- 0
- 0