«Эһиэхэ уонна дьиэ кэргэттэргитигэр дьолу-соргуну, саҥа чинчийиилэри, арыйыылары баҕарабын! Арассыыйатааҕы Билим күнүнэн!», – диэн эҕэрдэтин тиэртэ.
Быйыл Владимир Ларионов аатынан Ил Түмэн бириэмийэлэрин ХИФУ учуонайдарын билимҥэ уонна тиэхиникэ салаатыгар тиэхиниичэскэй билимин хандьыдаата, «Полимернай технологиялар уонна нанокомпозиттар» лаборатория сэбиэдиссэйэ, билим институтун научнай үлэһитэ Надежда Лазареваҕа, Айылҕа харыстабылын институтун химическай отделениетын «Хоту сиргэ полимернай композиттар» лаборатория научнай үлэһитэ Юлия Капитоноваҕа туттарылынна.
Оттон билим уонна чинчийии салаатыгар А.П. Илларионов аатынан истипиэндьийэ «Юриспруденция» бэлэмнэнии хайысхатыгар магистратура бастакы кууруһун устудьуонугар Кирилл Федоровка ананна. Итини тэҥэ чинчийэр-билим үлэҕэ өр сыллаах сыралаах уонна дьоһун кылааты киллэрбиттэрин иһин ХИФУ үлэһиттэрэ Бочуоттаах грамоталарынан наҕараадаланнылар.
-
0
-
0
-
0
-
0
-
0
-
0
