«Ил Дархан Айсен Николаев көҕүлээһининэн, социальнай эмтэниигэ анал байыаннай дьайыы кыттыылаахтарын доруобуйаларыгар хааччахтаах оҕолоро уонна кинилэр ийэлэрэ, эбэлэрэ, эһэлэрэ эбэтэр сокуоннай сааһын сиппит эдьиийдэрэ, убайдара тэҥҥэ эмтэниэхтэрин сөп. Оҕолору кытта уйулҕа үөрэхтээхтэрэ үлэлэһиэхтэрэ, арт-терапия, театро-терапия уонна да атын араас эмтэниигэ сыһыаннааах тэрээһиннэр ыытыллыахтара. Ону тэҥэ медицинскэй өҥөлөр: массаж, эмтиир физкультура, физиотерапия уонна атын процедуралар оҥоһуллаллар», — диэн Реабилитационнай киин дириэктэрэ Зинаида Максимова эттэ.
Улахан дьоҥҥо анал бырагыраама олохтоммут, онно физиотерапия, массаж уонна фито-, битэмииннээх уонна уоскутар чэйдэри иһэрдии киирбиттэр.
Социальнай эмтэниини туһанарга анал байыаннай эпэрээссийэ кыттыылаахтарын дьиэ кэргэттэрэ олорор сирдэринэн социальнай көмүскэл уорганнарыгар билсиэхтэрин наада. Сайабылыанньаны 2023 сыл олунньу 1 күнүттэн суруйуохха сөп. Хас биирдии оройуоҥҥа квота көрүллүбүт, онон социальнай үлэһиттэр көмөҕө наадыйааччылары Дьокуускай куоракка ыытыахтаахтар.
Ону тэҥэ социальнай эмтэниини ыарахан балаһыанньаҕа түбэспит байыастар оҕолоро уонна дьиэ кэргэттэрэ туһаныахтарын сөп.
Источник Саха НКИХ.
- 0
- 0
- 0
- 0
- 0
- 0