Издательский дом Редакция Подписка
Погода в Якутске: . 23 oC

Ааспыт нэдиэлэҕэ Дьокуускайга буолан ааспыт Гражданскай пуорумҥа олохтоох оҥорон таһаарааччылар хоту интэриниэт мөлтөҕүттэн “Меркурий” ситимҥэ холбонор уустугун бэлиэтээтилэр.

Ааспыт нэдиэлэҕэ Дьокуускайга буолан ааспыт Гражданскай пуорумҥа олохтоох оҥорон таһаарааччылар хоту интэриниэт мөлтөҕүттэн “Меркурий” ситимҥэ холбонор уустугун бэлиэтээтилэр.

Киин сиртэн ыраах сытар улуустарга куйаар ситимигэр холбонорго Саха Сирин үрдүнэн 5 спутник үлэлиир, интэриниэт төлөбүрэ, биллэн турар, үрдүк, ыйга 10 000 солк. тиийэр.

Ааспыты санаан аастахха, 2009 с. 1 мб Ньурбаҕа 180 000 солк. этэ, оттон билигин 1 мб сыаната улуустарга 60 солк. диэри түстэ. Өрөспүүбүлүкэҕэ интэриниэт 1993 с. кэлбитэ, күн бүгүн 14 км. уһуннаах оптика түргэн интэриниэт ситимэ тутулунна.

СӨ инновацияҕа, цифровой сайдыыга уонна инфокоммуникационнай технологияҕа миниистир солбуйааччыта Георгий Андреев иһитиннэрбитинэн, «Аартыка синергията» диэн бырайыак чэрчитинэн уһук хоту 86 нэһилиэк түргэн интэриниэккэ холбонуохтаах. Онон сибээс өҥөтүн төлөбүрэ хас да төгүл чэпчиэхтээх. Маны олоххо киллэрэргэ 13 млрд солк. ирдэнэр, онтон аҥаарын федеральнай киин үбүлүөхтээх.

“Аартыка оройуоннарыгар ВОЛС ситимин тутуу үлэтэ быйыл саҕаланан баран 2025 с. түмүктэниэхтээх.

Ону таһынан, «Полярнай экспресс» бырайыак көмөтүнэн 2025 с. Тиксиигэ муора суолун аннынан оптика түргэн интэриниэт тиийиэхтээх. Икки сылынан өрөспүүбүлүкэ нэһилиэктэрэ  бары куйаар ситимигэр холбонор оптика ситиминэн 100% хааччыллыахтара”, — диэн билиһиннэрдэ Георгий Андреев.

Түргэн интэриниэт уһук хоту тиийдэҕинэ, олохтоох бородууксуйаны оҥорон, киэҥ эйгэҕэ таһаарарга, урбааны сайыннарарга “Меркурий” ситимҥэ үлэлииргэ табыгастаах буолуо. 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением