Онуоха сэлиэнньэ нэһилиэнньэтин ахсаана 100-тэн 1000-ҕа диэри киһи, 3G/4G ыстандаартаах суотабай сибээһэ суох итиэннэ сиринэн сибээс (ВОЛС) инфраструктурата баар буолуохтаах. Түмүк тахсыбытын кэнниттэн 2G/4G тирэх ыстаансыйалар туруоруллар нэһилиэнньэлээх пууннарын кэрискэтэ оҥоһуллар. Бу тирэх ыстаансыйалар үчүгэй хаачыстыбалаах сибээһи уонна үрдүк ускуорастаах дьоҕус интэриниэти хааччыйыхтара.
Интэриниэккэ холбонор былаан-кыраапыкка киллэриллибэт, өскөтүн нэһилиэнньэлээх пуунтан сибээһи хааччыйар тирэх ыстаансыйа 70 км ыраах буоллаҕына; сибээс ситимин тутуу тыраассатыгар кабели тардарга уустук геологическай усулуобуйалаах территория — ирбэт тоҥ, 3-с кылаастаах уонна 25100-2020 ГОСТ-тан үрдүк буор, сибээс ситимин тардар тиэхиньикэ ааһар суола суох, 300 м. кэтиттээх үрэх уонна өрүс мэһэйдиир түбэлтэлэригэр. Бу биричиинэлэринэн интэриниэккэ холбуур былаан-кыраапыкка киллэриллибэтэх сэлиэнньэлэргэ 2027 сылга «Бюро 1440» ХЭТ улахан аһарымтыалаах, намыһах орбиталаах аргыс бөлөҕө туруоруллуон сөп. Куоластааһыҥҥа ким баҕалаах, олорор сириттэн тутулуга суох, ол эрээри, тустаах эрэгийиэҥҥэ бырапыыскалаах киһи кыттар кыахтаах. Куоластааһын сыылката https://www.gosuslugi.ru/inet диэн Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин саайтыттан.
-
0
-
0
-
0
-
0
-
0
-
0
