Издательский дом Редакция Подписка
Погода в Якутске: . -14 oC

Саха сирин биир кэрэ улууһунан  дьикти кэрэ айылҕалаах, ураты сэһэн дьоннордоох Уус Маайа  буолар. Санаабар, манна күн да чаҕылхай, халлаан да киэҥ, дьон-сэргэ да үөрүнньэҥ, ыалдьытымсах.

Саха сирин биир кэрэ улууһунан  дьикти кэрэ айылҕалаах, ураты сэһэн дьоннордоох Уус Маайа  буолар. Санаабар, манна күн да чаҕылхай, халлаан да киэҥ, дьон-сэргэ да үөрүнньэҥ, ыалдьытымсах.

Мин Уус Маайа улууһугар бу үһүс дьоллоох айаным. Бу кэрэ сиргэ бастакы айаным эбэҥки поэта Д.Н.Апросимов олорбут, айар үлэтин саҕалаабыт сириттэн, күндээрэ устар Алдан эбэ аттыгар турар кырачаан Күп бөһүөлэгэр этэ.   Айар киһи хайдах дойдуга төрүүр да, айар үлэтин тыына эмиэ онно ханыылыы буолар курдук. Айылҕа кэрэтин хаһан баҕарар кистиир. Ол иһин бу үтүө поэт Дмитрий Апросимов олус сэмэй, үгүс саҥата -иҥэтэ суох боччумнаах уол, Күп бөһүөлэгэр ойор-тэбэр оҕо сааһа ааспыт. Манна кини бастакы хоһоонноро, бастакы кэрэ уруһуйдара айыллан, төлкөлөөх сирин кэрэтин туойбут поэмалара суруллан-бичиллэн таҕыстахтара.

Апр айан

Биһиги аҕыс киһилээх дэлэгээссийэ Д.Н.Апросимов төрөөбүт күнүгэр, кулун тутар 10 күнүгэр Дьокуускай куораттан хомуллан айаннаатыбыт. Бу үтүө айаны поэт уолаттара Александр, Филипп, Андрей иилээн-саҕалаан, Уус Маайа кэрэ туонатыгар баар буоллубут. Уус Маайа култууратын управлениета поэттарын өйөөн, дэлэгээссийэ дьонун саҥа массыынанан куораттан ылларан, тэрээһин кэнниттэн аҕалан биэрдилэр. Бу маны мин поэт үтүө аатыгар сыһыан диэн бэлиэтиибин. Бу айаным аргыстара поэт үс уола, икки сиэн уола уонна мелодист, баянист, А.Л.Егоров-Өркөн Дьол уонна поэт бииргэ төрөөбүт эдьиийэ Антонина Нестеровна күндү ыалдьыт буоллулар.

Апр_--_1.png

 Ханнык баҕарар айан, сыаллаах-соруктаах, тоҕоостоох кэмин тутустаҕына табыллыылаах буолар. Ол курдук бу да айан, сыалын ситэн, Уус Маайа дьоно-сэргэтэ поэт аатын ааттаан кэлэн, уолаттарын, сиэннэрин кытта иһирэхтик көрүстүлэр, сэһэргэстилэр. Бу күн эбэҥки чулуу хоһоонньут уола Д.Н.Апросимов аатынан литературнай мусуой арылынна. Тэрилтэ эргэ дьиэтин өрөмүөннээн, сүрдээх тупсаҕайдык оҥорон, хостор аайы поэт Д.Н.Апросимов уруһуйдара, суруйуулара, кинигэлэрэ туруоруллубуттар. Ону сэргэ биир анал хос олохтоох учуутал уонна поэт А.И.Егоров-Чокуурга, иккис хос олохтоох хоһоонньуттарга, айар эйгэ, култуура үлэһиттэригэр анаммыт. Онон, мусуой ис хоһооно сүрдээх интэриэһинэй уонна инникитин баай экспонаттаах  буолар чинчилээх эбит.

Апр кр карт

Аҕаларын аатынан литературнай мусуойга поэт кыра уола Андрей Дмитриевич бэйэтин   хартыыналарын, орто уол Филипп Дмитриевич бэс мастан оҥорбут олоппоһун, улахан уол Александр Дмитриевич талахтан чочуйбут чорооннорун дохсун ытыс тыаһынан түмэл дириэктэригэр А.А.Атласоваҕа туттардылар.

Апр круг

Күн иккис аҥарыгар улуус дьаһалтатын дьиэтигэр эбэҥки тылын дьылҕатын тула кэпсэтэр “төгүрүк остуол” ыытылынна, олохтоох хоһоонньуттары уонна поэт Дмитрий Апросимов хоһооннорун истии буолла. Д.Н.Апросимов сиэнэ Николай Апросимов IT-технология ньыматынан нууччалыы тылтан эбэҥкилии тылбаастыыр анал компьютернай сыһыарыыны  билиһиннэрдэ. Улуус бары тэрилтэлэриттэн, нэһилиэктэртэн кэлбит дэлэгээссийэлэр оҕону төрөөбүт тылыгар үөрэтэргэ олус  туһалаах ньыма баар буолбутуттан үөрдүлэр, оҕолор төлкөлөөх төрөөбүт тылларынан саҥарыахтара диэн өйүүллэрин биллэрдилэр. Хайҕаллааҕа баар Николай Апросимов эбэҥки тыла сайдарын туһугар оҥорбут бу “Айаан” бырайыага Арассыыйаҕа эрэ буолбакка, тас дойдуларга кытта бренд буолар кыахтааҕын биллэрдэ уонна эһэтин аатынан мусуойга бу бырайыагы тутталларыгар сыллааҕы анал сэртипикээти бэлэх уунна. 

Бу түгэҥҥэ олорон бэлиэтии көрдүм поэт ыра санаата, айар үлэтин баҕата туолбутун. Д.Н.Апросимов дьон-сэргэ төрөөбүт эбэҥкитин тылын тула түмсүөҕэ, онуоха төһүү күүһүнэн үс үрүйэ утахтыаҕа диэн. Аҕа, уол, сиэн уол бу түгэҥҥэ сэһэргэһэн, ураты чараас эйгэ долгуна хамсаан, хайдах эрэ Алдан өрүс долгунун тыаһа иһиллэн ааһарга дылы...

Апр тумук

 Барҕа махталбын тиэрдэбин Уус Маайа улууһун дьаһалтатыгар, улуус култкураҕа управлениетыгар уонна бу поэт мусуойун  тэрийэргэ ылсыбыт күүстээх санаалаах дьонугар-сэргэтигэр, төрөөбүт Күбүн олохтоохторугар уонна үс чиргэл тиит уолаттарыгар!

 Айар үлэ -- сындалҕаннаах, сылаалаах уонна дьон-сэргэ эппиэтинэстээх үлэ. Бу киһи кутун, уйулҕатын, төрөөбүт түөлбэ туһугар сүрэхтиин-быардыын долгуйууну эрэйэр үлэ! Эбэҥки чулуу уола Д.Н.Апросимов аата үйэтитиллэрин Уус Маайа улууһун дьоно бары барҕалаах баҕалара онно уопсастыба бары эйгэтэ, чуолаан айар үлэ дьоно күүс-көмө, санаа этэрбит, көмө оҥорорбут тускуллаах буолуохтун! Эһиил, эбэҥки чулуу поэта Д.Н.Апросимов 95 сааһын туолар өрөгөйдөөх күннэригэр көрсүөхпүт, улууканнык устар Алдан эбэ кытылыгар турар Уус Маайа!

  • 6
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23