Издательский дом Редакция Подписка
Погода в Якутске: . 25 oC

А.Е.Мординов аатынан Тааттатааҕы лиссиэй үөрэнээччитэ Валерия Другина-Арти уруһуйдуур дьоҕурун бар дьонугар көрдөрөр тус быыстапкатын аһыллыыта буолла.

А.Е.Мординов аатынан Тааттатааҕы лиссиэй үөрэнээччитэ Валерия Другина-Арти уруһуйдуур дьоҕурун бар дьонугар көрдөрөр тус быыстапкатын аһыллыыта буолла.

Быыстапка лиэнтэтин улуус дьаһалтатын баһылыгын социальнай бэлиитикэҕэ солбуйааччы Алена Гуляева, педагог Саргылаана Билюкина уонна бу дьоро күнү бэлэхтээбит Валерия Другина-Арти быһа кырыйдылар.

Айар быыстапкаҕа оҕо хараҕын көрүүтүнэн Орто дойду олоҕун остуоруйата ойууланан турда. Манна дьэрэкээн ойууну-мандары, олох үөрүүтүн, зарисовкалары көрөбүт. Валерия айылҕаттан удьуор үлэһит, айар-тутар дьоҕурдаах, күүсээх хаан тардыылаах буолан, өҥү-дьүһүнү туттуута, айар ньымата туспа кэрэлээх, бигэргэтиилээх эбит.

худ-_оҥоһук.jpg

Чаҕыл күннээх оҕо саас кэмигэр Валерия уруһуйдуурун, удьуордаан бэриллиибит дьоҕурун сайыннарыыга кэмигэр таба көрөн, уруһуйдуур маастарыстыбатын үрдэтииигэ төрөппүттэрин Аэлита Владимировна уонна Виктор Иннокентьевич үтүөлэрэ буолар. Онуоха  Ытык Күөлгэ Федот Семенович Аргунов аатынан оҕо искусствотын оскуолата баара көмө-тирэх буолар. Валерия бу оскуолаҕа улууспут биир удьуор харалы худуоһунньуктар Билюкиннартан хааннаах, улууспут биир бастыҥ педагогар Саргылаана Билюкинаҕа уһуйуллан, ситиһиилээхтик үөрэнэн бүтэрбитэ.

Хуод_--_ого.jpg

Ол туоһутунан станковай живопись толору куурсун бүтэрбитин туһунан 1536 №-дээх сэбидиэтилистибэни ылбыта буолар. Ону таһынан уруһуй учуутала Татьяна Собакина элбэххэ уһуйбута.

худ-учитель.jpg

Валерия оҕо искусствотын оскуолатын бүтэрдим диэн санаанан муҥурдаммат, аныгы ньыманан, сыыппара технологиятын графикатынан дьарыктанар. Бэйэтэ дизайннаан эгэлгэ халандаардары, аккырыыккалары оҥорор уонна аныгы кэм ирдэбилин тутуһан, үлэтин атыылаан бизнес оҥостор. Бу үөрүйэхтэрэ киниэхэ инникитигэр туһалыахтара турдаҕа.

Валерия эдэркээн бэйэтэ балачча элбэх куонкуруска ситиһиилээхтик кытынна. Ол курдук, 2017 с. алын кылаас үөрэнээччилэрин уруһуйга куонкурустарыгар бастакы, улуустааҕы олимпиадаҕа туойтан оҥорууга иккис миэстэни ылбыта. 2020 с. таҥас куукулалары оҥорууга бастаабыта, кыбытыктаах иискэ иккис, туойунан «Тыыкыба» оҥоһугу оҥорон бастакы, гимназия иһинэн суол быраабылатын тутуһууга анаммыт уруһуй куонкуруһугар бастакы, «Баай барыылаах Байанай» куонкуруска иккис миэстэни ылыталаабыта.

худ_-гитаристы_1.jpg

2022 с. Былатыан Ойуунускай уонна Алампа айымньыларынан дьүһүйүүгэ улууска бастакы миэстэни ылбыта. Былырыын уонна быйыл ыытыллыбыт улуустааҕы декоративно-прикладной оҥоһук бэстибээлигэр иккис истиэпэннээх дипломунан бэлиэтэммитэ. Ону таһынан эдэр худуоһунньук көстүүм эскииһин, уруһуй уонна хаартыска куонкурустарыгар кыайыылааҕынан, кыттыылааҕынан буолар. Сайдыылаах кэм ыччатын быһыытынан, саҥа сүүрээҥҥэ олорсон, “PROрыв” бизнес-инкубатор резиденинэ буолар.

худ-дети.jpg

Валерия дьоллоох оҕо сааһын айар түһүлгэтин күнүн умнуо суоҕа. Ол курдук, у күн эдэр худуоһунньук быһыытынан, айар үлэтин киэҥ эйгэҕэ таһаарыыга бастакы хардыыта буолар. Бу түһүлгэтинэн Валерияны улуус баһылыгын социальнай бэлиитикэҕэ солбуйааччы Алена Гуляева, улуус үөрэҕин салаатын исписэлииһэ Мира Луковцева, Ф.С. Аргунов аатынан искусство оскуолатын дириэктэрэ Дария Попова, уруһуйга уһуйбут педагога Саргылаана Билюкина, А.Е. Мординов аатынан Тааттатааҕы лиссиэй дириэктэрин иитэр үлэҕэ солбуйааччы Вера Михайлова, “Сатабыл” оҕо айымньытын дьиэтин педагог- тэрийээччитэ Мотрена Алексеева, “Алмазэргиэнбаан” Тааттатааҕы филиалын салайааччыта Майя Аргунова, кылааһын салайааччыта Александра Федорова, бииргэ үөрэнэр оҕолоро, төрөппүттэрэ, эбэтэ, эһэтэ уо.д.а эҕэрдэлээтилэр.

худ-_класс.jpg

Эдэр худуоһунньук түһүлгэтин кырачаан Дайаана Андреева “Мама”, Володя Егоров “Кэрэ кыыска”, Али Бро “Иккиэн бииргэ” ырыаларынан киэргэттилэр. Эдгар Атастыров, Сергей Харлампьев, Байдам Федоров инструментальнай триолара “Кубинский танец” ырыаны гитараҕа толордо.

худ-дети_2.jpg

Валерия айар быыстапкатыгар төрөппүттэрин кытта өр бэлэмнэммитин, быыстапка тэрийиитэ элбэх идеяттан үөскүүрүн, тэрийии  үлэтиттэн саҕалаан саалы киэргэтиигэ тиийэ толкуйданарын, Арти диэн иэйии аргыстааҕын, худуоһунньук мультипликатор буолуон баҕарарын мустубут дьоҥҥо билиһиннэрдэ.

худ-колектив.jpg

Валерияҕа айар суолун аартыктара  саҥаттан саҥа айымньылары үөскэтэ турарыгар, инникитин ааттаах-суоллаах айар дьон түһүлгэлэригэр аата ааттаныаҕын, айар үлэтэ дьон сэҥээриитин ылыаҕын баҕарабыт.

  • 12
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением