Ксения Васильева, "Бэрдьигэстээх нэһилиэгэ" МТ баһылыгын солбуйааччыта:
- Олохтоох бэйэни салайыныы 20 сылыгар анаммыт нэдиэлэ бастакы тэрээһинин Бэрдьигэстээх нэһилиэгин депутаттара саҕалаатылар. «Депутат чааһа» тэрээһин чэрчитинэн кинилэр 7, 8, 10 кылаас оҕолорун кытта көрүстүлэр.
А.Н. Осипов аатынан оскуолаҕа депутат Елизавета Агеева, дьаһалта юриһа Михаил Салгынов оҕолорго олохтоох салайыныы хайдах төрүттэммитин, нэһилиэк сэбиэтин үлэтин, муниципальнай өҥөлөр тустарынан билиһиннэрдилэр. Түмүккэ «Бэрдьигэстээҕи, Горнай улууһун, Саха Сирин туһунан төһө билэҕин» диэн блиц-викторина ыыттылар.
С.П. Данилов аатынан оскуолаҕа нэһилиэк депутаттара Мария Колесова, Вероника Сергеева, Алексей Иванов сырыттылар. Депутат диэн кимий диэнтэн саҕалаан, олохтоох бэйэни салайыныы, быыбар, политика тула кэпсэтии буолла. "Мин - депутаппын" диэн оонньуу тэрийдилэр.
Оттон улуустааҕы гимназияҕа нэһилиэк сэбиэтин бэрэссэдээтэлэ Варвара Сметанина, депутат Руслан Семенов оҕолорго кылаас чаас тэрийдилэр. Манна «Басхан» диэн өрөспүүбүлүкэтээҕи күрэх кыайыылааҕа Андреев Дьулус С.П.Данилов аатынан оскуола оҕолоругар бу күрэх туһунан сиһилии кэпсээтэ.
Депутаттар оҕолору кытта көрсүһүүлэрэ сэргэхтик, туһалаахтык ааста. Кинилэр оҕолор олус көхтөөхтөр диэн астыммыттарын биллэрдилэр.
-
0
-
0
-
0
-
0
-
0
-
0
