Куонкуруска 14-тэн 35-гэр диэри саастаах ыччаттар кыттыннылар. Үгэс быһыытынан эрэгийиэн иһинэн ыытыллар күрэс тэрийээччитэ – Ыччат парламена. Куонкурус сүрүн соруга – сокуон көҕүлээһиннэрин бэлэмниир ыччат ортолоругар саамай кэскиллээх бырайыактары арыйыы уонна өйөөһүн.
Куонкурус ыытыллар кэмигэр Саха Сирин оскуолаларыттан, устудьуоннарыттан, эдэр учууталларыттан, преподавателлэртэн тэрийэр хамыыһыйаҕа сэттэ хайысханан араас үлэлэр киирдилэр: судаарыстыбаннай тутуу уонна киһи конституционнай бырааба; экэнэмиичэскэй бэлиитикэ; социальнай бэлиитикэ; бүддьүөт, нолуок уонна үп-харчы сокуоннара; оборуона уонна куттала суох буолууну хааччыйыы; ыччат бэлиитикэтэ, о.д.а. эрэгийиэннээҕи сокуоннар. Чинчийиилэр араас эйгэҕэ сокуоннары саҥардыыга, тулаайахтар бырааптарын көмүскээһиҥҥэ уонна үгүс араас сокуоннарга ананна. Күрэс кыайыылаахтарынан I миэстэ – Валерий Сергеев, II миэстэ – Дайаана Сазонова, IIІ миэстэ – Еремей Баин буоллулар.
I миэстэ - Валерий Сергеев. «Саха Өрөспүүбүлүкэитн холобуругар дьиэ-уот быраабын көмүскүүр сокуонун тупсарыы». Научнай салайааччы үрдүкү категориялаах учуутал Мария Иннокентьевна Винокурова. Дьокуускайдааҕы инновационнай технология колледжа;
II миэстэ - Дайаана Сазонова. «Урукку буруйданааччылары социальнай эйгэҕэ киллэрии боппуруостарын регламенныыр Саха Өрөспүүбүлүкэтин сокуонун ылыныы наадатын туһунан». Научнай салайааччыта Елена Владимировна Дуткина. Аартыкатааҕы судаарыстыбаннай агротехнологическай университет. Дьокуускай
IIІ миэстэ - Еремей Баин. «РФ Уопсай юрисдикциялаах федеральнай суудтар мунньахтарыгар присяжнайдарын туһунан федеральнай сокуон 11 ыст. уларытыылары киллэрии». Дьокуускай куорат.
Ил Түмэн иһинэн Ыччат парламена кыттааччыларга бары ситиһиилэри уонна сыаллары толорууну баҕарда.
-
0
-
0
-
0
-
0
-
0
-
0
