Издательский дом Редакция Подписка
Погода в Якутске: . -26 oC

Уус Алдан улууһун Кэптэнитигэр Владимир Прядезников, Пётр Перевалов олохтоох дьаһалтаны кытары сөҥнөһөн, эр дьон түмсүүтүн тэрийэн үлэлэтэллэр.

Уус Алдан улууһун Кэптэнитигэр Владимир Прядезников, Пётр Перевалов олохтоох дьаһалтаны кытары сөҥнөһөн, эр дьон түмсүүтүн тэрийэн үлэлэтэллэр.

Ааспыт Үлэ, Эйэ бырааһынньыгын күнүн өрөбүллэригэр улахан субуотунньугу тэрийэн үлэлээтилэр. Ол курдук, бөһүөлэги иилии эргийэр, ойуур баһаарыттан араҥаччылыыр балаһалары ыраастаатылар. Онно үүммүт мастары кэрдэн, анал байыаннай дьайыыларга сылдьар Саян Софронов уонна Ариан Прядезников төрөппүттэригэр: соҕотох ийэ Анастасия Протопоповаҕа уонна биэнсийэлээх Мария, инбэлиит Михаил Софроновтар дьиэ кэргэттэригэр иккилии бырысыап оттук маһы киллэрэн биэрдилэр. Утуйар уулара да көтө сылдьар төрөппүттэр  нэһилиэк  баһылыгар Николай Поповка, кинини солбуйааччы Егор Лугиновка, «Аал Уот» бэтэрээннэр түмсүүлэригэр өрүүтүн ахсаабат кыһамньыларын, билсэ-көрсө олороллорун иһин махтаналлар.

У_--_1.jpg

Субуотунньукка бөһүөлэк дьоно көхтөөхтүк кытыннылар. Кинилэргэ сылаас эбиэти нэһилиэк дьокутаата Галина Прокопьева, скандинавскай хаамыы инструктора Галина Олесова, тыа хаһаайыстыбатын испиэсэлииһэ Геннадий Борисов бэлэмнээтилэр.

У-_2.jpg
Үлэ бырааһынньыгар «Аал Уот» бэтэрээннэр түмсүүлэрин хаамыынан дьарыктанааччылар салайааччылара Галина Олесова көҕүлээһининэн, үс килэмиэтир сири хаамтылар, инструктор эрчийиитинэн хаалыктаах хамсаныылары оҥордулар. Кинилэр ортолоругар 75 саастаах Акулина Колесова, 70-наах Мария Алексеева үтүө холобур буолаллар.

у-_4.jpg

Бэтэрээннэр сүбэлэрин бэрэссэдээтэлинэн үлэлии сылдьыбыт Альбина Колесова, бэтэрээн хаамааччы Вера Бурнашева Дьокуускайга кыстаан тахсаннар, үөлээннэюхтэрин кытта ахтылҕаннаах хаамыыларынан хааман,дойдуларын салгынынан сайа тыынан үөрүүлэрэ улахан.

у_--_5.jpg

  • 9
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением