Бу көрсүһүүлэргэ Дьохсоҕон орто оскуолатын оҕолоро улахан кыргыһыылар буолан ааспыт сирдэринэн, Старай Русса, Ленинград, Ильмень күөл хайысхаларынан 2022--2023 сс. көрдүүр-чинчийэр үлэлэргэ сылдьыбыттарын туһунан хаартыскаларынан кэпсээтилэр.
Санкт-Петербурга артиллерия мусуойугар үөрүүлээх быһыыга-майгыга ыытыллыбыт 19-с хайыһар туспа биригээдэтин былааҕын туттарыы сиэрин-туомун видеонан көрдөрдүлэр. Көрдүүр-чинчийэр үлэлэргэ сылдьан булбут матырыйаалларын, сэрии сэптэрин тустарынан сырдаттылар.
Оскуолаҕа патриотическай иитии үлэтэ хайдах ыытылларын уонна Ильмень күөлгэ сэриилэспит саха буойуттарын сыдьааннара аҕалара-эһэлэрэ хорсуннук сэриилэспиттэрин, тыыннах эргиллэн кэлэн холкуос, сопхуос үлэтигэр күүрээннээхтик үлэлээбиттэрин туһунан кэпсээтилэр. Ону барытын оскуола оҕолоро, учууталлар, үлэһиттэрэ, бэтэрээннэр болҕойон иһиттилэр. Саха буойуттарын хорсун быһыылара умнуллубат.
-
5
-
0
-
0
-
0
-
0
-
0
