Ленскай уонна Өлүөхүмэ оройуоннарыгар Өлүөнэ өрүскэ муус үрдүнэн уу таһыма 10 см үрдүүр, киин оройуоннарга – 10-30 см. Витим гидропоһун аннынан Өлүөнэр өрүскэ ыам ыйын 10-11 күннэригэр муус хамсыыра күүтүллэр.
Витим өрүскэ уу таһыма кыратык үрдүүр, муус уу кытылыттан тэйиччи соҕус. Алдаҥҥа уонна кини тардыытыгар сууккатааҕы уу таһыма 10- тан 30 см диэри, муус үрдүнэн уу таһыма эбиллэн иһэр.
Өлүөхүмэ Тээнэ нэһилиэгин таһынааҕы Тээнэ өрүскэ уу сууккаҕа 25 см үрдүү турар. Өрүс арыллыыта ыам ыйын 7-8 күннэригэр күүтүллэр, оттон саамай муҥутуур таһыма ыам ыйын 9-10 күннэригэр буолара сабаҕаланар.
Ыам ыйын 9-11 күннэригэр Маайа өрүскэ Уус Үдүмэ-Чабда икки ардыгар (Алдан уҥа салаата) өрүс мууһа хамсыыра күүтүллэр. Манна уу таһыма сууккаҕа 5-тэн 10 см диэри үрдүү турар.
Амма уонна Бүлүү өрүскэ уу таһыма суукка иһигэр 5- тэн 10 см диэри үрдүүр, муус кытылтан тэйиччитэ уонна тоҥоруу бэлиэтэнэр. Кыһыҥҥы режим оннунан Дьааҥыга, Индигиркаҕа уонна Халымаҕа турар.
-
0
-
0
-
0
-
0
-
0
-
0
