Саҥа алдьархайдары сэрэтэр соруктаах Дьоҕус суудуналарга судаарыстыбаннай иниспиэксийэ (ГИМС) иниспиэктэрдэрэ Дьокуускай дьаһалтатын уонна ИДьМ үлэһиттэрин кытта Өлүөнэ өрүс акваториятыгар күүһүрдүллүбүт эриэйдэлэри ыыталлар. Сүрүн болҕомто суудуналары ыытааччыларга ууруллар. Иниспиэктэрдэр тустаах докумуоннары, куттал суох буолуутун быраабылаларын тутуһууну бэрэбиэркэлииллэр. Хас биирдии киһиэхэ сүбэ суругу туттарыллар.
Арассыыйа Ыксаллаах быһыыга-майгыга министиэристибэтин ГИМС иниспиэктэрэ Андрей Иванов кэпсээбитинэн, бэрээдэги кэһэр суудуналары бэрэбиэркэлииллэр, быыһыыр сэлиэччигэ, көмүскэнэр тэрилэ суох дьону көрөллөр. Ууга быһылаан тахсыбытын туһунан дьоҥҥо иһитиннэрэллэр уонна сэрэтэр кэпсэтиини ыыталлар.
Бүгүн куорат сөтүөлүүр сиригэр сэрэтии үлэтэ ыытылынна. Таһырдьа сылыйдаҕына ГИМС иниспиэктэрдэрэ сөтүөлүүргэ көҥүлэ суох сирдэринэн үлэлиэхтэрэ.
Иһитиннэрии уонна хаартыска: https://t.me/mchsYakutia
-
0
-
0
-
0
-
0
-
0
-
0
