Бу сырдык бырааһынньык хас биирдии Арассыыйа олохтооҕор, дьиэ кэргэнигэр күндү. Мөлүйүөнүнэн олох толук ууруллан, бэрт эрэйинэн-муҥунан, ыар кыһалҕанан аан дойду фашизмтан быыһаммыта.
Аҕа дойду Улуу сэриитигэр Саха сирин хас сэттис олохтооҕо ыҥырыллыбыта. «Память» өрөспүүбүлүкэтээҕи таһаарыы дааннайынан, сэрии сылларын устатыгар Саха сириттэн барыта 62 тыһыынчаттан тахса киһи дойдутун көмүскүү барбыта.
Элбэх омуктаах норуоппут Аҕа дойду Улуу сэриитигэр оҥорбут хорсун быһыыта билиҥҥи устуоруйаны ураты суолталыыр. Онуоха бүгүн, анал байыаннай операцияҕа нацистары утары кыргыһыы буола турар кэмигэр, Улуу Кыайыы күнэ ураты суолталанар. Россия олохтоохторун саҥа көлүөнэтэ Дойдутун көмүскүүрүгэр хоодуот быһыытын, бэйэни харыстаммат хорсун санаатын, халбаҥнаабат кытаанах майгытын көрдөрөр. Ол иһин Кыайыы биһиэнэ буолуоҕа!
Кыайыы күнэ – биһигини ханнык баҕарар тургутуу иннигэр түмэр ытык бырааһынньыкпыт буолар. Россия, элбэх омуктаах сомоҕо норуоппут улуу, тулхадыйбат күүһэ итиннэ баар!
Күндү бэтэрээннэр, чэгиэн санаалаах, мэлдьи үчүгэй настарыанньалаах буолуҥ! Эһиэхэ уонна дьиэ кэргэҥҥитигэр доруобуйаны, этэҥҥэ буолууну баҕарабын! Кыайыы күнүнэн!
Саха Өрөспүүбүлүкэтин
Ил Түмэнин Бэрэссэдээтэлэ Алексей Еремеев
-
1
-
0
-
0
-
0
-
0
-
0
