Уопсастыба

Сыралаах, эппиэтинэстээх үлэҕитигэр ситиһиилэри!

«Ил Түмэн» бэчээт дьиэтэ Ил Түмэн VI ыҥырыылаах мунньаҕын дьокутааттарын, «СӨ массыына суолларын управлениета» судаарыстыбаннай хааһына тэрилтэтин генеральнай дириэктэрэ, Арассыыйа уонна СӨ үтүөлээх землеустроителэ, Томпо оройуонун бочуоттаах олохтооҕо Семен Филипповы, «Эрэгийиэннэр икки ардыларынааҕы «21 үйэ исписэлииһэ» эбии профессиональнай үөрэхтээһин киинин дириэктэрэ Софрон Афанасьевы, «Арктик капитал» ХЭО экономикаҕа уонна үпкэ генеральнай дириэктэрин солбуйааччы Нюргуяна Захарованы бэлиэ күннэринэн эҕэрдэлиибит. Уустук, сыралаах, эппиэтинэстээх үлэҕитигэр саҥа үрдүк ситиһиилэри, кытаанах доруобуйаны, тус олоххутугар дьолу-соргуну баҕарабыт!
Ис-сүрэхпититтэн үөрэн-көтөн сахалыы айхаллыыбыт, урааҥхайдыы уруйдуубут! Эһиги таһаарыылаах үтүө үлэҕитинэн киэн туттабыт.

Тус олоҕуҥ суола киэҥ буоллун!

Ытыктабыллаах Семен Васильевич! Эйиэхэ үбүлүөйдээх сааскынан эҕэрдэни тус бэйэм уонна тыа сиригэр олорор, үлэлиир дьон аатыттан тиэрдэбин!
Эн тус олоххун төрөөбүт Сахабыт Сирэ сайдарыгар анаабытыҥ киэн туттуубут буолар. Дьокутаат сыралаах үлэтин Дьокуускайдааҕы Думаттан саҕалаан, билигин бииргэ Ил Түмэн VI ыҥырыылаах мунньаҕар үлэлиибит. Олоҕуҥ устата өрөспүүбүлүкэбит социальнай-экэнэмиичэскэй сайдыытыгар тус кылаатыҥ тугунан да кэмнэммэт.
Билигин салайар тэрилтэҥ Саха Сиригэр баар суоллары тутуунан дьарыктанар, хас биирдии киһи олоҕор ураты суолталаах, хас биирдии салаа сайдарыгар тутаах буолар. Суол – хорук тымырбыт, күһүн – саас суол быһыннаҕына тыа дьоно хайдах курдук эрэйдэнэллэрин эйигиттэн ордук билэр киһи суоҕа буолуо. Ону быһаарарга улуус салалталарын кытары ыкса ситимнээхтик, кыһамньылаахтык үлэлииргин сыаналыыбын. Семен Васильевич, тус бэйэҥ олоҕуҥ суола киэҥ уонна уһун буоллун!

Андрей НАХОДКИН,
Ил Түмэн Тыа сиригэр уонна аграрнай бэлиитикэҕэ
сис кэмитиэтин бэрэссэдээтэлэ

Таһаарыылаах үлэҥ күүһүрэ турдун!

Убаастабыллаах Семен Васильевич! Эйигин үөрүүлээх үбүлүөйгүнэн итиитик-истиҥник эҕэрдэлиибин!
Эйигин кытары Ил Түмэн VI ыҥырыылаах мунньаҕар үлэлиирбититтэн киэн туттабын. Бүтэһик сылларга «Куттала суох хаачыстыбалаах суоллар» национальнай бырайыак чэрчитинэн Сахабыт Сиригэр эрэгийиэннэри, улуустары, нэһилиэктэри ситимниир суоллар тиһигин быспакка саҥардыллаллар, тутуллаллар. Бу барыта эн салайар үлэҥ таһаарыылааҕын, хамаандаҥ күүстээҕин, киһи быһыытынан дьону кытары тапсарыҥ туоһута.
Ааспыт 2022 сыл устата эн тус бэйэҥ салайыыгынан 230 км тахса эрэгийиэн уонна улуустары ситимниир суоллар үлэҕэ киирдилэр. Уус-Майа оройуонугар 326 миэтэрэ усталаах Аллаах Үүн үрэҕин туоруур муоста саҥардыллыбыта ураты суолталаах. Өрүүтүн даҕаны дьон ытыктабылын, убаастабылын, барҕа махталын ыла тур! Чугас дьоҥҥутугар уонна тус бэйэҕитигэр кытаанах доруобуйаны, дьолу-соргуну!

Елена ГОЛОМАРЕВА,
СӨ Ил Түмэнин аҕыйах ахсааннаах хотугу төрүт омуктар
боппуруостарыгар уонна Аартыка дьыалатыгар
сис кэмитиэтин бэрэссэдээтэлэ

Үтүѳ түмүктэри, үрдүк ситиhиилэри

Ил Түмэн норуот дьокутаатын, «Сиэрдээх Арассыыйа – Патриоттар – Кырдьык иhин» баартыйа СѲ эрэгийиэннээҕи отделениетын чилиэнин, убаастабыллаах Софрон Антонович Афанасьевы олоҕуҥ кэрэ-бэлиэ түгэнинэн — үбүлүѳйдээх 50 сааскын бэлиэтиир күҥҥүнэн итиитик-истиҥник эҕэрдэлиибин!
Мин эйигин, бэйэм үѳлээннээхпин, суолталаах боппуруостары бары таhымҥа сатаан туруорсар, сѳптѳѳх быhаарыылары ылынар кыахтаах, көхтөөх дьокутаат, дириҥ билиилээх юрист, үтүѳ киhи, бастыҥ доҕор быhыытынан билэбин уонна ытыктыыбын.
Эйиэхэ ыстаал курдук кытаанах доруобуйаны, тус олоххор дьолу-соргуну, Сахабыт Сирэ сайдарын туhугар, ыччаты үѳрэхтээhиҥҥэ, иитиигэ күннэтэ ыытар дьоhун үлэҕэр-хамнаскар үтүѳ түмүктэри, үрдүк ситиhиилэри баҕарабын!

Вячеслав МАКАРОВ,
Ил Түмэн норуот дьокутаата