Күрэхтэһии үс түһүмэҕинэн буолар. Ол курдук, ыанньыксыттар ынаҕы аппараатынан ыырга күрэхтэһэллэр. Теория өттүнэн билиини тургутуу түһүмэҕэр тургутуктары толороллор, ыанар ынах анатомиятыгар, физиологиятыгар итиэннэ көрүү-истии, аһатыы-сиэтии уратыларыгар сыһыаннаах ыйытыыларга хоруйдууллар. Ынаҕы ыыр аппарааты ыһан баран хомуйарга күрэхтэһэллэр.
– Куонкурус үлэ көдьүүһүн, оҥорон таһаарыытын уонна массыынанан ыаһын оператордарын маастарыстыбаларын үрдэтэр, кинилэргэ аныгы технологиялары билиһиннэрэр сыаллаах ыытыллар. Ким хоппут, бастаабыт – атырдьах ыйыгар массыынанан ыаһын оператордарын Бүтүн Арассыыйатааҕы куонкуруһугар өрөспүүбүлүкэ аатын көмүскүү барыаҕа, – диэтэ тыа хаһаайыстыбатын миниистирэ Александр Атласов.
Күрэхтэһиигэ Амма, Бүлүү, Дьааҥы, Мэҥэ Хаҥалас, Нам, Ньурба, Өлүөхүмэ, Сунтаар, Хаҥалас, Чурапчы улуустарыттан уонна Дьокуускай куораттан, «Саха сүөһүтэ» генопуонда тэрилтэтиттэн 14 хамаанда тиийдэ. Хас бииирдии хамаанда үстүү киhилээх. Онон күрэхтэhээччилэри, тэрийээччилэри уонна бочуоттаах ыалдьыттары кытары Мондурах сайылыгар 300-чэкэ киhи муһунна.
- 1
- 0
- 0
- 0
- 0
- 0