Бэстибээл маҥнайгы күнэ Кыайыы болуоссатыгар 07.30 ч. сарсыардааҥҥы сэрээккэттэн саҕаланыаҕа. Ааттаах-суоллаах спортсменнар чэбдигирдэр маассабай сэрээккэни ыытыахтара.
Флешмоб уонна успуорт комплекстарыгар абонеменнары оонньотуу дьон болҕомтотун тардыаҕа. Комсомольскай болуоссакка күн устата спортсменнар уонна тириэньэрдэр кикбоксиҥҥа, оҕунан ытыыга, тхэквондоҕа, боксаҕа, мас тардыһыытыгар, национальнай остуол оонньууларыгар, хапсаҕайга, нуучча дуобатыгар, ГО уо.д.а. маастар-кылаастары биэриэхтэрэ.
Бэстибээл кэмигэр успуорт федерациялара, кулууптара бэйэлэрин тэрээһиннэрин, араас күрэхтэһиилэри ыытыахтара.
Оттон атырдьах ыйын 12-16 күннэригэр саахымат уонна дуобат өрөспүүбүлүкэтээҕи Киинигэр РФ үтүөлээх тириэньэрэ Н.Н. Кычкин кэриэһигэр нуучча дуобатыгар уонна сүүс килиэккэлээх дуобакка Бүтүн Арассыыйатааҕы күрэхтэһиилэр тэриллиэхтэрэ.
Источник: СѲ успуордун министиэристибэтин сайта.
Хаартыска аhаҕас источниктан ылылынна.
-
0
-
0
-
0
-
0
-
0
-
0
