Дьокутаат бэлиэтээн этэринэн, билигин гражданнар тус информацияларын кытта үлэлииргэ уонна харайарга бэйэлэрин сөбүлэҥнэрин төттөрү ыҥыран ылалларыгар үлэлиир үнүстүрүмүөннэр суохтарын кэриэтэ. Бу «Персональнай дааннайдар тустарынан» сокуонунан сөбүлэҥи төттөрү ылар быраап төһө да олохтоммутун үрдүнэн. «Процедура уустук, онон киһи бэйэтин персональнай дааннайдарын кинилэри бас билэр хампаанньаларга барыларыгар сотторор кыаҕа суох. Сайабылыанньаны хас биирдии чопчу эпэрэтээргэ ыытыахха, оттон аккаастыыр түбэлтэлэригэр – бэйэ быраабын суукка көмүскүөххэ наада буолар», — диэн Чернышов быһаарда.
Бу боппуруоска судаарыстыба көмөлөһүөхтээх, холобур сыыппара министиэристибэтэ. Оччоҕо араас хампаанньаларга биллэриилэри ыыта уонна бэйэ ирдэбиллэрин сокуоннайдарын быһаара сатаабакка, персональнай дааннайдары сотторорго министиэристибэҕэ биирдэ эрэ суруйуохха сөп буолуо.
Арассыыйа олохтоохторо бэйэлэрин биометрическэй дааннайдарын кытта үлэлииргэ сөбүлэҥнэрин Госуслуги портал нөҥүө биэриэхтэрин уонна төттөрү ыҥырыахтарын сөп.
Источник: РИА-Новости
-
0
-
0
-
0
-
0
-
0
-
0
