Быыбар өрөспүүбүлүкэтээҕи киин хамыыһыйата быыбар иккис күнүн түмүгүн таһаарбытын көрдөххө, быыбардааччы 34 %-а, ол эбэтэр 222 015 киһи куоластааһыҥҥа кыттыбыт. Ол иһигэр, Өлөөн эбэҥки национальнай улууһугар быыбардааччы 72 %-а, Анаабыр долган-эбэҥки национальнай улууһугар – 60%-а, Үөһээ Бүлүү улууһугар – 60 %-а, Горнай улууһугар 57 %-а, Таатта улууһугар 51 %-а бэйэлэрин гражданскай иэстэрин толорбуттар.
Бырамыысаланнай да улуустарга быыбар хаамыыта куһаҕана суох. Ону Мирнэй оройуонун Светлай бөһүөлэгиттэн биһиги уопсастыбаннай кэрэспэндьиэммит, суруналыыс уонна суруйааччы Александра Григорьева-Сандаарыйа ыыппыт хаартыскалара көрдөрөр.
Куоластааһын түмүктэнэр, быһаарыылаах күнэ күөрэйэ үүннэ! Сарсыарда 8 чаастан быыбардыыр учаастактар үлэлэрин саҕалаатылар.
-
5
-
0
-
0
-
0
-
0
-
0
