– Биһиги гражданнарбыт, Саха сирин уонунан тыһыынча олохтоохторо дьадайыы туругуттан тахсалларын туһугар бары кыахпытын ууруохтаахпыт. Бу үлэҕэ былаас салаалара, Бырабыыталыстыба, Парламент уонна олохтоох салайыныы уорганнара эрэ буолбакка, уопсастыба бүттүүнэ итиэннэ бөдөҥ уонна дьоҕус урбаан бииргэ ылсан үлэлиирбит эрэйиллэр, – диэтэ Айсен Николаев Олохтоох салайыныы сэбиэтин мунньаҕар.
Дьадайыы таһымын намтатар туһугар хамнаһы үрдэтии, үлэлиир дьон ахсаанын элбэтии, тиийиммэт кыһалҕаҕа киирбит дьоҥҥо социальнай өйөбүлү оҥоруу былааннанар. Онон дьоҕус уонна орто урбаан эйгэтигэр, ол иһигэр социальнай хантарааҕынан, үлэлиир дьон ахсаанын элбэтиигэ болҕомто ууруллуоҕа, социальнай хантараак көдьүүстээх буолуута үрдэтиллиэҕэ. Ыйаахха дьадайыы кутталын намтатыыга анаммыт кэккэ дьаһаллар кэрискэлэрэ ыйыллыбыт. Ол иһигэр, оҕлоох дьиэ кэргэттэри өйөөһүн, чөл олох сиэрин тарҕатыы, тулаайах оҕолору иитэ ылар, ылбыт дьиэ кэргэттэри өйөөһүн уо.д.а. киллэриллибиттэр.
Олохтоох салайыыны уорганнарын баһылыктарыгар туһаайан, Ил Дархан өрөспүүбүлүкэ саҥа биэс сыллаах былааҥҥа киирэрин тоһолоон бэлиэтээтэ.
-- Сотору кэминэн чорботуллар хайысхаларынан тустаах стратегическай ыйаахтар тахсыахтара. Бу ыйаахтары олоххо киллэриигэ муниципалитеттар чопчу кыттыылара итиэннэ бырайыактыыр офистары кытары хайдах үлэлиэхтээхтэрэ ыйыллыаҕа. Туруоруллубут соруктары толорууга олохтоох салайыныы уорганнарын таһымнарыгар туох үлэ ыытыллара – дьон олоҕун-дьаһаҕын хаачыстыбата тупсубутун кэрэһитэ буолуоҕа. Онон, эһиэхэ, улуустар уонна куораттардааҕы уокуруктар салайааччыларыгар улахан эппиэтинэһи сүктэрэбин, – диэтэ Ил Дархан. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Хаартыскаларга Василий Кононов (Ил Түмэн) түһэриилэрэ
-
1
-
0
-
0
-
0
-
0
-
0
