Издательский дом Редакция Подписка
Погода в Якутске: . 8 oC

2024 сылга "Азия оҕолоро" VIII сайыҥҥы оонньуулары көрсө икки успуорт саалатын тутуохтара уонна 14 эбийиэк хапытаалынай өрөмүөнүн ыытыахтара.

2024 сылга "Азия оҕолоро" VIII сайыҥҥы оонньуулары көрсө икки успуорт саалатын тутуохтара уонна 14 эбийиэк хапытаалынай өрөмүөнүн ыытыахтара.

Бу туһунан өрөспүүбүлүкэ бастакы вице-премьера Дмитрий Садовников иһитиннэрдэ.

Дмитрий Садовников киин куорат мэриятыгар бэлэмнэнии үлэлэри хонтуруоллуурга тэрилтэ салайааччыларын кытта көрүстэ. 

«Азия оҕолоро» успуорт оонньуулара уһун тохтобул кэннэ эһиил Саха Сиригэр ыытыллыаҕа. Биһиги сүрүн сорукпут - оонньуулары үрдүк таһымҥа тэрийэн ыытыы. Күн бүгүҥҥэттэн бэлэмнэнии үлэтэ барыта хайдах тэриллэриттэн тутулуктаах, – диэн бэлиэтиир бастакы вице-премьер. Биир оннук көрүллүбүт боппуруоһунан тутуу хаамыыта буолла. "Азия оҕолоро" оонньууларга элбэх функциялаах успуорт саалата Сайсарга уонна комплекс Хатаска тутуллуохтара. Ону таһынан 14 эбийиэги өрөмүөннэнэрэ былааннаахтар: "Кыайыы 50 сыла" успуорт дыбарыаһа, «Триумф», «Дохсун» успуорт комплекстара, «Эллэй Боотур» муус дыбарыаһа, «Чолбон» успуорт комплекса, «Модун» стадион,"Н. Н. Тарскай аатынан Туймаада" стадион, "Самородок" бассейна уо.д. а. эбийиэктэр.

71d27b01 f85a 4d88 9705 2918a8f106af

Сүбэ мунньахха территориялары тупсарыы, көҕөрдүү, уопсастыбаннай бэрээдэги хааччыйыы, эбийиэктэр баһаарынай куттала суох буолууларын хааччыйыы, тырааныспар уонна хомунаалынай хааччыйыы боппуруостарын көрдүлэр. «Азия оҕолоро» норуоттар икки ардыларынааҕы успуорт оонньуулара 2024 сылга бэс ыйын 25 күнүттэн от ыйын 7 күнүгэр диэри ыытыллыахтара. Тэрээһин эһиил дойду үрдүнэн саамай улахан түгэнинэн буолара күүтүллэр. Бырагыраамаҕа 24 успуорт көрүҥэ киллэриллибитэ. Барыта 40-тан тахса дойду, ону таһынан Арассыыйа араас эрэгийиэннэриттэн үс тыһыынчаттан тахса кыттааччы кэлэрэ күүтүллэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением