Сыралаах үлэ түмүгүн көрөр мэлдьи үөрүүлээх. Манна саастарыттан тулулуга суох оҕолор үөрэ-көтө дьарыктаналлар, үрдүк технология эйгэтигэр бастакы билиилэрин ылаллар. Оҕолору кытта сэһэргэстим, бары олус астыналлар уонна үлэлэрин көрдөрдүлэр. Итини таһынан хас биирдии баҕалаах үөрэх куурустарын ааһыан, технологическай стартаптары оҥорорго көмө ылыан сөп, - диэн Айсен Николаев ТГ-ханаалыгар бэлиэтээтэ.
Айсен Николаев этэринэн, бу кэм устата Кировскай куорат олохтоохторо биһиэхэ олус чугас буолбуттар.
- ДНӨ баһылыга Денис Владимирович Пушилины кытта Саха сэргэтин туруорууга кыттынныбыт. Төрүт үгэстэрбитинэн алгыс сиэрэ-туома ыытылынна. Айыылартан Кыайыыны, эйэни уонна үтүөнү көрдөспүт. Доҕордоһуу, сомоҕолоһуу дьиҥнээх бэлиэтэ буоллун! - диэн Саха Сирин Ил Дархана иһитиннэрдэ.
Кировскай куораты чөлүгэр түһэрэр үлэлэр 2022 с. ыам ыйыттан Саха Өрөспүүбүлүкэтин уонна ДНӨ Кировскай дьаһалтатын икки ардыларыгар илии баттааһыннаах сөбүлэһии чэрчитинэн саҕаламмыттара. Ити кэмтэн ыла куорат инфраструктуратын 52 эбийиэгэ саҥардыллыбыта, ону таһынан хас да оскуола, балыыһа, элбэх кыбартыылараах дьиэлэр, уулуссалар уонна паарка өрөмүөннэммитэ.
-
0
-
0
-
0
-
0
-
0
-
0
