Издательский дом Редакция Подписка
Погода в Якутске: . -23 oC

Сэтинньи 26-27 күннэригэр Крымҥа уонна Краснодарскай кыраайга улахан ураган түһэн, муора биэрэгиттэн тахсан, уулуссалар, дьиэлэр, кафелар ууга бардылар.  Куруортнай инфраструктура эмсэҕэлээн, ону чөлүгэр түһэрэргэ үтүмэн үп-харчы ирдэнэр.

Сэтинньи 26-27 күннэригэр Крымҥа уонна Краснодарскай кыраайга улахан ураган түһэн, муора биэрэгиттэн тахсан, уулуссалар, дьиэлэр, кафелар ууга бардылар.  Куруортнай инфраструктура эмсэҕэлээн, ону чөлүгэр түһэрэргэ үтүмэн үп-харчы ирдэнэр.

Тыал күүһэ сөкүүндэҕэ 40 м. тиийэ сырытта, бу эҥээр икки мөлүйүөн киһи уота суох хааллылар, дьиэлэр кырыыһалара, 500 тахса суон мастар сууллан түстүлэр. Крым тумул арыы олохтоохторун эвакуациялаан, быстах олорор пууҥҥа тириэртилэр.  Маннык шторм үйэҕэ биирдэ буолар диэн этэллэр олохтоохтор.

Геленджикка хайа өрүһэ кытылтан тахсан, куорат устун сүүрүгүрэн, дьон массыынатын илдьэ барда. Крымҥа Саки уонна Евпатория икки ардынааҕы суолга муора уута халыйан киирэн, сырыы харгыстанна.

Муораҕа 4-5 миэтэрэлээх долгун өрө үллэн тахсан, Сочи набережнайын, тимир суолу алдьатта, онон поезд сырыыта быстах кэмҥэ тохтотулунна. Өрө үллэ турар уу эмискэ дьиэлэр бастакы этээстэригэр тоҕо көтөн киирдэ. Лоо бөһүөлэккэ үс этээстээх дьиэ биирдэ сууллан түстэ. Адлерга цунами түһэн, муора уута куорат уулуссаларыгар саба халыйан киирэн, тугу көрсүбүтүн барытын сөрөөн илдьэ барда.

images

Күүстээх шторм Грузия Батуми, Кобулети, Сарпи куруортарыгар эмиэ тиийэн, суолу-ииһи урусхаллаан, дьон дьиэтигэр уу киирдэ.

Керченскэй силбэһиигэ шторм кэмигэр үс устар аал харсыбыт, сүтүк суох. Күүстээх ураган кэмигэр дьону муораҕа чугаһыыртан сэрэтэ, тохтото сатыыллар даҕаны, хаартыскаҕа, видеоҕа устаары сорох дьон киирэн биэрэн, сураҕа суох сүттүлэр, кинилэри балҕаан үөскэ илдьэ барбыт буолуон сөп.

Хаартыска: РБК

  • 0
  • 0
  • 0
  • 2
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Табаһыт күнүнэн!

Ытыктабыллаах биир дойдулаахтарым, табаһыттар! Ил Түмэн, «Саха Аартыката» эрэгийиэннээҕи…
02.03.24 12:51