Ньурба к. Комсомольскай уул. элбэх кыбартыыралаах икки дьиэ тутуутугар “Региональнай сайдыы“ ХЭТ 39 киһилээх биригээдэтэ үлэлиир. Кырааската бүтэн, бары этээстэринэн сантехниката, уутун ситимэ тардыллар уонна тэрилэ олордуллар.
58 кыбартыыралаах дьиэҕэ 12 таджик уонна Дьокуускайтан, Ньурбаттан 5 сантехник, оттон 53 кыбартыыралаах дьиэҕэ 17 таджик уонна эмиэ олохтоохтортон 5 сантехник үлэлииллэр. Сантехниктар унитаз, ванна уонна раковина олордоллор, уу ситимин турбатын тардаллар.
Бөртөлүөт пааматынньыгын уонна спорт былаһааккатын аттыгар Комсомольскай уул. 125 №-дээх 5 этээстээх, 30 кыбартыыралаах дьиэ тутуутун үлэтэ түмүктэннэ. Ваннатын, туалетын, водонагревателин барытын туруоран холбообуттар. Дьокуускайдааҕы «Нидстрой” ХЭТ 3 үлэһитэ бытархай үлэ хаалбытын ситэрэ сылдьаллар. Кыбартыыралар уопсай иэннэрэ — 1780,84 м2. 29 кыбартыыра «Переселение» бырагырааматынан барар, 1 кыбартыыра – коммерческай.
-
0
-
0
-
0
-
0
-
0
-
0
