Издательский дом Редакция Подписка
Погода в Якутске: . 23 oC

Бу күн бары оҕо саас аптаах кэмигэр курдук, харыйабытын симиибит, баҕа санаабытын этэбит, туох эрэ дьиктини-кэрэни, сырдыгы-ырааһы эрэнэ күүтэбит. Саҥа сылы көрсө, буоларын курдук, түмүк таһаарабыт, саҥа сыал-сорук туруорабыт, дойдубут саргылаах сарсыҥҥытын туһугар, дьиэ кэргэммит уонна оҕолорбут туһугар салгыы айабыт-тутабыт. Бүгүн эһиэхэ истиҥ, амарах эҕэрдэлэрин норуот дьокутааттара эмиэ тиэрдэллэр.

Бу күн бары оҕо саас аптаах кэмигэр курдук, харыйабытын симиибит, баҕа санаабытын этэбит, туох эрэ дьиктини-кэрэни, сырдыгы-ырааһы эрэнэ күүтэбит. Саҥа сылы көрсө, буоларын курдук, түмүк таһаарабыт, саҥа сыал-сорук туруорабыт, дойдубут саргылаах сарсыҥҥытын туһугар, дьиэ кэргэммит уонна оҕолорбут туһугар салгыы айабыт-тутабыт. Бүгүн эһиэхэ истиҥ, амарах эҕэрдэлэрин норуот дьокутааттара эмиэ тиэрдэллэр.

Андрей Находкин, Ил Түмэн Сиргэ сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ:

- Ытыктабыллаах Саха Сирин олохтоохторо, күндү-мааны ыалдьыттарбыт! Сыл аайы, кыратыттан улаханыгар диэри бары долгуйа күүтэр күммүт – Саҥа дьыл түүнэ үүнэрэ аҕыйах кэм хаалла. Бу күннэргэ ааһан эрэр сылбыт туох ситиһиилэри аҕалбытын, туох кыратык сиппэтэҕин ыраҥалыыр, түмүк таһаарар тоҕоостоох кэмнэрбит буолаллар.

Саамай улахан баҕа санаабыт барыбытыгар – кэлэр Саҥа сыл ааһан эрэр сыллааҕар өссө үчүгэй түмүктэрдээх, элбэх ситиһиилэрдээх буоллун диэн. Куһаҕан, итэҕэс манна хааллын, туох баар кэрэ, сырдык эһиилги сылга биһигини кытта салгыы аргыстастын. Ил Дархаммыт биллэрбит Оҕо аймах сылыгар элбэх кэскиллээх дьаһаллар олоххо киирдиннэр, кэнчээри ыччаппыт сайдыытыгар төһүү буоллуннар, онтон ким да туора турбакка, бары көмөлөөн үлэлиэҕиҥ. Инники сайдыыбыт суолун элбэх сылларга түстүүр Арассыыйа Бэрэсидьиэнин быыбара буолуоҕа. Дьэ, итиннэ түмсүүлээхпитин, тэрээһиннээхпитин өссө төгүл бигэргэтиэҕиҥ! Суолталаах тутуулар, улахан бырайыактар салҕаныахтара уонна саҕаланыахтара, манна бары биир киһи курдук үлэлээтэхпитинэ элбэҕи ситиһиэхпит. Үүнэн эрэр саҥа 2024 сылга эрэллээхтик, бигэтик үктэнэн киириэҕиҥ, эһиэхэ барыта этэҥҥэ буоллун, күндү дьоммут! Саҥа дьылынан!

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением