Иван Луцкан, Ил Түмэн дьокутаата, Өрөспүүбүлүкэтээҕи харах балыыһатын кылаабынай бырааһа:
- Күндү “Ил Түмэн” хаһыат ааҕааччылара, Саха Сирин олохтоохторо! Эһигини барыгытын кэлэн иһэр саргылаах Саҥа дьылынан, үүнэн эрэр 2024 сылынан эҕэрдэлиибин!
Бэйэм быраас идэлээх киһи буоларым быһыытынан, хас биирдиигитигэр чэгиэн доруобуйаны баҕарабын. Чэгиэн доруобуйа хас биирдии киһиэхэ улахан быһаарар суолталаах. Өс хоһоонугар дэлэҕэ этиэхтэрэ дуо, доруобуйаны хайдахтаах да бас харчыга атыыласпаккын. Маннык балаһыанньаны биһиги ыарыһахтарбытынан көрөбүт. Хомойуох иһин, сорох диагнозтарга биһиги хайдах даҕаны көмөлөһөр кыахпыт суох, ыарахан ыарыыларыттан сиэттэрэн, күн сырдыгын сатаан көрбөт буолаллар.
Билигин бэйэм Донбасска командировкаҕа үлэлии сылдьабын. Манан сиэттэрэн, 2024 сыл хас биирдии дьиэ кэргэҥҥэ эйэни, дьолу, ситиһиини, элбэх үөрүүлээх түгэннэр тосхойоллоругар баҕарабын. Дьон икки ардыгар сыһыаннаһыыларыгар итэҕэл, убаастабыл улаата турдун. Хаһан баҕарар үтүө хараны кыайар диэн итэҕэйиэхтээхпит. Маннык санаалаах үлэлээтэхпитинэ, хайдахтаах даҕаны үлэ ситиһиилээх буолуо.
Үүнэн эрэр сылы дойдубут Бэрэсидьиэнэ Владимир Путин Дьиэ кэргэн сылынан, Сахабыт Сирин Ил Дархана Айсен Николаев Оҕо саас сылынан биллэрдилэр. Үүнэр сыл хас биирдии дьиэ кэргэҥҥэ, оҕоҕо дьолу, табыллыыны аҕаллын, чэгиэн доруобуйалаах буолуҥ.
-
0
-
0
-
0
-
0
-
0
-
0
