Балҕаҕы түмэлгэ быйыл 90 сааhын туолар, Акана нэһилиэгин Чкалов учаастагар олорор ытык кырдьаҕас Аграфена Даниловна Тимофеева-Константинова туттарда.
Бу балҕаҕы Арыппыаннааҕы кытта ыаллыы олорбут аймахтара Васильев Игнатий–Хабах оҕонньор кэргэнэ Марыына илдьэ сылдьыбыт иһитэ эбит. Кырдьаҕастар туораабыттарын кэннэ уола Давид Игнатьевич, кийиитэ Евдокия Степановна 1980-с сылларга оҕолорун үөрэттэрээри Маарга көһөн барбыттар. Дьиэлэрэ өр кэмҥэ кураанах турбутун кэннэ, көһөрөн илдьибиттэр. Уоттанар дьиэҕэ долбуурга турбут балҕаҕы Арыппыаҥҥа биэрбиттэр. Ону кини кичэллээхтик харайан ууруна сылдьыбыт уонна аймахтарын малын түмэлгэ бэлэх биэрдэ.
Балҕах үрдүгэ 23 см, айаҕынан кэтитэ 20 см, ортотунан эргимтэтэ 30 см. Ортотуттан үөһээ 5 иккилии хос курдаах, эргиччи уһун дьураа ойуулардаах.
-
9
-
0
-
0
-
0
-
0
-
0
