Издательский дом Редакция Подписка
Погода в Якутске: . -24 oC

АПК салаатыгар ааспыт сыллаах үлэ-хамнас отчуотунан көрдөххө, өрөспүүбүлүкэҕэ  бэйэ оҥорон таһаарар аһынан-үөлүнэн хааччыллыыта сымыыкка – 65 %, хортуоппуйга – 62 %, үүккэ – 55 %, оҕуруот аһыгар — 42 %, эккэ – 27 % буолбут. Ааспыт сылларга тэҥнээтэххэ, көрдөрүү бытааннык, ол эрээри эрэллээхтик тупсарыллан иһэр эбит. 

АПК салаатыгар ааспыт сыллаах үлэ-хамнас отчуотунан көрдөххө, өрөспүүбүлүкэҕэ  бэйэ оҥорон таһаарар аһынан-үөлүнэн хааччыллыыта сымыыкка – 65 %, хортуоппуйга – 62 %, үүккэ – 55 %, оҕуруот аһыгар — 42 %, эккэ – 27 % буолбут. Ааспыт сылларга тэҥнээтэххэ, көрдөрүү бытааннык, ол эрээри эрэллээхтик тупсарыллан иһэр эбит. 

Тыа хаһаайыстыбатын сайдыытын судаарыстыбаннай бырагырааматын чэрчитинэн, салааны сайыннарыыга, өйөөһүҥҥэ ааспыт сыллаахха 15,8 млрд. солк көрүллүбүтэ (2022 сыллаахха 13,7 млрд солк этэ), бу иһиттэн субвенция кээмэйэ – 7,3 млрд солк. (2022 сыллаахха 6,2 млрд солк этэ). Быйыл 14,9 млрд. солк., ол иһигэр 7,7 млрд. солк. субвенция көрүлүннэ. Тохсунньу 1 күнүттэн өйөбүл ыстаапката маннык быһылынна:

-- Биир киилэ үүккэ – 65 солк., былырыын 60 солк этэ;

-- Кэтэх ыаллар ыанар ынахтарыгар – 39 тыһ. солк., былырыын 37 тыһ. солк. этэ;

Тыа хаһаайыстыбатын тэрилтэлэрэ, бааһынай хаһаайыстыбалар сиртэн үүнүүнү ыллыыга үлэлэрин өйөөһүн чэрчитинэн, биир гектар ыһыыга көрүллэр көмө ыстаапката эмиэ үрдэтилиннэ:

-- хортуоппуйга 35 тыһ. солк., былырыын  23,3 тыһ солк этэ (2018 сылтан уларытыллыбатаҕа);

-- аһаҕас буорга олордуллар оҕуруот аһыгар 45 тыһ. солк, былырыын  34,7 тыһ. солк. этэ (2018 сылтан уларытыллыбатаҕа);

-- бурдук култуураларыгар 13 тыһ солк., былырыын 10 тыһ. солк. этэ (2020 сылтан уларытыллыбатаҕа);

Тохсунньу 29 күнүнээҕи туругунан, тыа хаһаайыстыбатын үлэтин-хамнаһын өйөөһүҥҥэ судаарыстыба кэккэ боломуочуйаларын биэрии чэрчитинэн, быйылгы субвенцияны тыырыыга сөбүлэһии бары 36 улууһу уонна киин куораты кытары түһэрсилиннэ.

Үүккэ, кэтэх ыаллар ыанар ынахтарыгар уонна сиртэн үүнээйини ылыыга көрүллүбүт субвенция харчыта сокуоҥҥа уларытыы киллэрилиннэҕинэ бэриллиэхтээх. Ол курдук, тыа хаһаайыстыбатын үлэтин-хамнаһын өйөөһүҥҥэ судаарыстыба кэккэ боломуочуйаларын биэрии туһунан сокуоҥҥа уларытыыны киллэрии боппуруоһа олунньу 7 күнүгэр көрүллүөҕэ. Ол кэнниттэн Бырабыыталыстыба 2020 с. ахсынньы 30 күнүгэр таһаарбыт 445 №-дээх уурааҕынан бигэргэммит субвенцияны биэрии Бэрээдэгэр тустаах уларытыы оҥоһуллуоҕа.

Саха Өрөспүүбүлүкэтин Бырабыыталыстыбата уонна Тыа хаһаайыстыбатын уонна ас-үөл бэлиитикэтин министиэристибэтэ тыа хаһаайыстыбатын сайдыытын судаарыстыбаннай бырагырааматын чэрчитинэн, 698,2 мөл. солк (657,5 мөл. солк федеральнай бүддьүөттэн) суумалаах аҕыс сөбүлэһиини түһэрисибит. Бу туһунан министиэристибэ иһитиннэрэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Табаһыт күнүнэн!

Ытыктабыллаах биир дойдулаахтарым, табаһыттар! Ил Түмэн, «Саха Аартыката» эрэгийиэннээҕи…
02.03.24 12:51