Көрсүһүү кэмигэр анал байыаннай дьайыыны сырдатыы тула сэһэргэстилэр.
--Анал байыаннай дьайыыга суруналыыс үлэтэ олус суолталаах. Эһиги оҥорор кырдьыктаах документальнай хартыынаҕытыгар уопсастыба наадыйар. Бүгүн байыаннай кэрэспэндьиэннэр тустаах фроннарыгар информационнай кимэн киириини кытта ситиһиилээхтик охсуһаллар. Эһиги үлэҕит Кыайыыны чугаһатар, -- диэтэ Айсен Николаев.
Семен Пегов эрэгийиэҥҥэ ыытыллар байыаннай-патриотическай үлэни, өрөспүүбүлүкэ үөрэтэр-дьарыктыыр инфраструктуратын үрдүктүк сыаналаата: «Сотору кэминэн Саха Сиригэр бастыҥ снайперскай полигон арыллыаҕа. Снайпиҥҥа улахан хабааннаах бырайыак олоххо киирэриттэн олуһун үөрдүм, маннык таһымнаах полигоннары аан дойдуга, бэл гыннар, иккини-үһү эрэ булуохха сөп», -- диэн бэлиэтээтэ. «Наш вектор» диэн Арассыыйатааҕы туристическэй бырайыагы билиһиннэрдэ: «Оҕолор балааккаларга олоруохтара, успуорт ориентированиетынан дьарыктаныахтара, тыаҕа кутаа отторго үөрэниэхтэрэ, ол тула ырыа ыллыахтара», – диэтэ.
Руслан Гусаров «RT.Док: Время героев» диэн Норуоттар икки ардыларынааҕы документальнай киинэ бэстибээлин эрэгийиэннээҕи түһүмэҕин Саха Сиригэр ыытарга этии киллэрдэ.
--Норуоттар икки ардыларынааҕы бэстибээл анал байыаннай дьайыыга, дьайыы дьоруойдарыгар, фронт уонна тыыл баҕа өттүнэн кыттыылаахтарыгар ананар. RT телеханаал эспиэрдэрин түмсүүтэ атын биир идэлээхтэрин сэргэ бу бэстибээли бастакынан Саха Сиригэр ыытар тоҕоостоох дии саныыллар. Тоҕо диэтэр, өрөспүүбүлүкэ АБДь-га кыттар байыастарын бары өттүнэн өйөөһүнү тэрийэргэ атыттарга холобур буолар. Манна АБДь-га туох буола турарыгар уонна дьоруойдаргытыгар улахан болҕомто ууруллар, -- диэтэ Руслан Гусаров.
Айсен Николаев киирбит этиини өйөөтө уонна АБДь кирбиитигэр үлэлэрин, Саха Сирин байыастарыгар болҕомтолорун, кинилэр тустарынан чаҕылхай документальнай биэриилэри, киинэлэри оҥороллорун иһин суруналыыстарга махтанна. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Андрей Сорокин (ЯСИА) хаартыскаҕа түһэриитэ
-
1
-
0
-
0
-
0
-
0
-
0
