Издательский дом Редакция Подписка
Погода в Якутске: . 21 oC

Ытыктабыллаах сылгыһыттар, сылгыны иитии салаатын бэтэрээннэрэ уонна үлэһиттэрэ, эһигини Ил Түмэн тыа сиригэр уонна аграрнай бэлиитикэҕэ сис кэмитиэтин уонна тус бэйэм ааппыттан  Сылгыһыт күнүнэн итиитик-истиҥник эҕэрдэлиибин!

Ытыктабыллаах сылгыһыттар, сылгыны иитии салаатын бэтэрээннэрэ уонна үлэһиттэрэ, эһигини Ил Түмэн тыа сиригэр уонна аграрнай бэлиитикэҕэ сис кэмитиэтин уонна тус бэйэм ааппыттан  Сылгыһыт күнүнэн итиитик-истиҥник эҕэрдэлиибин!

2016 сыллаахха Ил Дархан «Саха Өрөспүүбүлүкэтигэр сылгыны үөрдээн иитии дьаһалларын туһунан» ыйааҕар олоҕуран, кулун тутар 21 күнэ өрөспүүбүлүкэҕэ Сылгыһыт күнүнэн биллэриллибитэ.

Былыр былыргыттан сылгы иитиитинэн дьарыктаммыт саха дьоно Дьөһөгөйтөн төрүттээх Айыы оҕотун ытыктыыллар. Сылгыны иитии – биһиги үгэс буолбут төрүт дарыкпыт, экэниэмикэбит биир көдьүүстээх хайысхата. Түөрт түөрэм туйахтаах, сыспай сиэллээх сылгыбыт барахсан саханы саха дэттэҕэ. Дьөһөгөй оҕотугар сүгүрүйүү -- ыһыах ытык туома, кэһиллибэт сиэрэ буолар. Ыһыах аал уотун алгыһа, итэҕэлэ кымыстаах, сиэллээх буоллаҕына, сиэрэ-туома ситэри, туома толору буолар. Саха норуота баарын тухары сылгыга сүгүрүйүү тохтуо суоҕа.

сылгы.jpeg

Сылгыһыт өҥүрүк куйааһы, бытарҕан тымныыны аахсыбакка, Дьөһөгөй оҕотун, сыспай сиэллээҕи биэбэйдиир. Дьиҥ тулуурдаах эрэ дьоннор бу идэни талаллар. Ыарахан үлэҕэ ис сүрэхтэн бэринииилээх эрэ буоллахха, сылгыһыт үрдүк аатын тутаҕын. Өбүгэлэрин ытык дьарыгын харыстаан илдьэ сылдьар сылгыһыт дьоммутугар дириҥ ытыктабылбытын тиэрдэбит уонна кинилэринэн киэн туттабыт!

Саха Өрөспүүбүлүкэтин тыатын хаһаайыстыбатын сайдыытыгар улахан кылааттарын киллэрбит киэн туттар дьоннорбут -- 23 Социалистическай Үлэ Дьоруойдара бааллар, олортон 6 бастакы дьоруойдарбыт бары сылгыһыттар буолаллар.

Сылгыттан ылыллар бородууксуйа – биһиги төрүт аһылыкпыт, чэгиэн-чэбдик буолуубут, уһун үйэлэниибит төрүөтэ, экология өттүнэн ыраас айылҕа бэлэҕэ.

сылгыһыт_1.jpeg

Бу күннэргэ улуустарга сылгыһыттар күрэхтэрэ, кэскиллээх кэпсэтии түһүлгэлэрэ тэриллэн ыытыллаллар, сыллата бу хамсааһын кэҥээн тэнийэн иһэр. Дьон-сэргэ сөбүлээн, норуот дууһатынан ылынан бу хамсааһын үтүө үгэскэ кубулуйан ыччат дьону бу салааҕа тардыаҕа, удьуор утума салҕаныа диэн бүк эрэнэбин.

Сылгыһыт күнүнэн тыа сирин хоһуун дьонугар үтүө түмүктэрдээх ситиһиилээх, үлэни, чэгиэн-чэбдик, чөл туругу, байылыат олоҕу, дьолу-соргуну, табыллыыны баҕарабын. Өбүгэбит үтүө дьарыга салгыы сайыннын, киэҥник тэнийдин, уйгу-быйаҥ дьыл буолуохтун!

Истиҥ эҕэрдэни кытары Александр Атласов, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51